અરવલ્લી જિલ્લાના સુપ્રસિદ્ધ યાત્રાધામ શામળાજી નજીક આવેલા દેવની મોરી ડેમમાં આજે એક હૃદયદ્રાવક અકસ્માત સર્જાયો છે. ડેમ પાસે પસાર થઈ રહેલા ત્રણ યુવકો બાઈક સાથે અચાનક ઊંડા પાણીમાં ખાબક્યા હતા. આ ઘટનાને પગલે આસપાસના લોકોમાં ભારે દોડધામ મચી ગઈ હતી.
દુર્ઘટનાની જાણ થતા જ શામળાજી 108ની ટીમ વીજળીક વેગે ઘટનાસ્થળે પહોંચી ગઈ હતી. પાણીમાં ડૂબી રહેલા યુવકો પૈકી એક યુવકને ભારે જહેમત બાદ બહાર કાઢવામાં આવ્યો હતો. 108ના કર્મીઓએ તાત્કાલિક જીવનરક્ષક સારવાર (CPR) આપીને આ યુવકનો જીવ બચાવી લેતા લોકોએ રાહતનો શ્વાસ લીધો હતો. જોકે, અન્ય યુવકો અંગેની શોધખોળ અને વધુ તપાસ હજુ ચાલુ છે.
