એલસીબી દ્વારા રૂ. ૩.૮૩ લાખથી વધુનો મુદ્દામાલ જપ્ત
બનાસકાંઠા રેન્જ આઈ.જી. શ્રીમતી પરીક્ષિતા રાઠોડ તથા પોલીસ અધિક્ષક પ્રશાંત સુંબે દ્વારા દારૂ અને જુગારની ગેરકાયદેસર પ્રવૃત્તિઓ સામે ‘ઝીરો ટોલરન્સ’ નીતિ હેઠળ કડક કાર્યવાહી કરવા આપેલી સુચનાના આધારે એલ.સી.બી. પાલનપુરની ટીમોએ સફળ કામગીરી કરી છે. એલ.સી.બી. પી.આઈ. ડી.એમ. રાઠોડ અને પી.એસ.આઈ. આર.બી. જાડેજા તથા જે.એસ. ગઢવીના માર્ગદર્શન હેઠળ જુદી-જુદી ટીમોએ દરોડા પાડીને ડીસા રૂરલ અને પાલનપુર તાલુકા પોલીસ સ્ટેશન વિસ્તારમાંથી જાહેરમાં જુગાર રમતા કુલ ૧૭ ઈસમોને ઝડપી લીધા છે.પોલીસે ત્રણેય સ્થળોએથી રોકડ રકમ, મોટરસાયકલ અને મોબાઈલ ફોન મળી કુલ રૂ. ૫,૪૫,૭૯૦/- નો મુદ્દામાલ કબ્જે કર્યો છે.
જેમાં ચડોતર ગામની સીમ,ખાડીયા વિસ્તારમાં ખુલ્લી જગ્યામાં જુગાર રમતા શાહરૂખ ચુનારા, કમલેશ સોલંકી, દીપિન મેંતીયા (પરમાર), રમેશજી જેસાતર (ઠાકોર), અમરતજી ઠાકોર અને ભરત પઢીયાર (તમામ રહે. પાલનપુર તાલુકો) ને રોકડા રૂ. ૨૭,૦૦૦/- સાથે ઝડપી લેવાયા. તેમજ બુરાલ ગામની સીમમાંથી પીરસિંહ સોલંકી, લાલસિંહ વાઘેલા, કરણસિંહ વાઘેલા, અભુસિંહ વાઘેલા, પ્રવિણસિંહ સોલંકી, દશરથસિંહ સોલંકી અને શ્રવણસિંહ સોલંકી નામના ૭ ઈસમોને ઝડપ્યા. આ દરોડામાં રોકડા રૂ. ૨૧,૧૯૦/-, ૬ મોટરસાયકલ (કિ.રૂ. ૩,૮૦,૦૦૦/-) અને ૫ મોબાઈલ (કિ.રૂ. ૫૦,૦૦૦/-) મળી કુલ રૂ. ૩,૮૩,૫૯૦/- નો મુદ્દામાલ જપ્ત કરાયો. આ કેસમાં ૭ ઈસમો ફરાર થવામાં સફળ રહ્યા છે. પોલીસે પકડાયેલા તમામ આરોપીઓ વિરૂદ્ધ સંબંધિત પોલીસ સ્ટેશનોમાં ગુનો નોંધી કાયદેસરની કાર્યવાહી હાથ ધરી છે તથા નાસી છૂટેલા આરોપીઓને ઝડપી પાડવાના ચક્રો ગતિમાન કર્યા છે.
