પ્રીતિ ઝિન્ટા; સોશિયલ મીડિયા પોસ્ટ દ્વારા ખુલાસો કર્યો 'ફેક ન્યૂઝ' ફેલાવનારાઓને શરમ આવવી જોઈએ

ન્યૂ ઈન્ડિયા કોઓપરેટિવ બેંક લિમિટેડમાં ભ્રષ્ટાચારની એક કથિત ઘટના પ્રકાશમાં આવી છે. હવે આ બધા વચ્ચે, બોલિવૂડ અભિનેત્રી પ્રીતિ ઝિન્ટાએ કેરળ કોંગ્રેસના દાવા પર વાંધો ઉઠાવ્યો છે. આ મામલો કરોડો રૂપિયાની બેંક લોન સાથે સંબંધિત છે. આ સમાચાર મળતાની સાથે જ અભિનેત્રીએ સોશિયલ મીડિયા પર પોતાનો ખુલાસો આપ્યો અને અફવા ફેલાવનારાઓને ચૂપ કરી દીધા. હવે પ્રીતિએ આ સમાચારો પર પોતાની પ્રતિક્રિયા આપી છે અને આ સમગ્ર મામલા પાછળનું સત્ય જણાવ્યું છે. તેમણે પોતાની સોશિયલ મીડિયા પોસ્ટ દ્વારા ખુલાસો કર્યો કે 'ફેક ન્યૂઝ' ફેલાવનારાઓને શરમ આવવી જોઈએ કોંગ્રેસે દાવો કર્યો હતો કે ભારતીય જનતા પાર્ટીને ફાયદો પહોંચાડવા માટે પ્રીતિ ઝિન્ટાની ૧૮ કરોડ રૂપિયાની લોન માફ કરવામાં આવી હતી. ખરેખર, થયું એવું કે 24 ફેબ્રુઆરી, સોમવારના રોજ, કેરળ કોંગ્રેસે પ્રીતિ ઝિન્ટા વિશે એક ટ્વિટમાં કહ્યું હતું કે તેણીએ પોતાના સોશિયલ મીડિયા એકાઉન્ટ્સ ભાજપને આપી દીધા છે અને 18 કરોડ રૂપિયા માફ કરાવી દીધા છે. ગયા અઠવાડિયે બેંક પડી ભાંગી. જ્યારે જેમણે પૈસા જમા કરાવ્યા હતા તેઓ પોતાના પૈસા માટે રસ્તા પર ઉતરી આવ્યા છે. હવે પ્રીતિ ઝિન્ટાએ આ સમાચાર પર પોતાનું મૌન તોડ્યું છે. પ્રીતિ ઝિન્ટાએ પોતાના એક નિવેદનમાં બેંક દ્વારા લોન માફીના સમાચાર પર સ્પષ્ટતા કરી હતી. તેમણે આ સમાચાર પાછળનું સત્ય જણાવ્યું છે. અભિનેત્રીએ બેંક દ્વારા આ 18 કરોડ રૂપિયા માફ કરવાના આરોપોને નકારી કાઢ્યા છે અને કહ્યું છે કે તેનું ખાતું બંધ કરી દેવામાં આવ્યું છે. અને તેણે તેની બાકી રકમ પણ ચૂકવી દીધી છે. તેણીએ લખ્યું, 'ના, હું મારા સોશિયલ મીડિયા એકાઉન્ટ્સ જાતે ચલાવું છું. અને તમને નકલી સમાચારનો પ્રચાર કરતા શરમ આવવી જોઈએ!' મને આઘાત લાગ્યો છે કે કેવી રીતે કોઈ રાજકીય પક્ષ અથવા તેમના પ્રતિનિધિઓ મારા નામ અને ફોટાનો ઉપયોગ ખોટા સમાચારોને પ્રોત્સાહન આપવા અને પાયાવિહોણી ગપસપ ફેલાવવા માટે કરી રહ્યા છે. રેકોર્ડ માટે, હું તમને જણાવી દઉં કે લોન લેવામાં આવી હતી અને તે સંપૂર્ણ રીતે ચૂકવી દેવામાં આવી છે. આ ઘટનાને ૧૦ વર્ષથી વધુ સમય થઈ ગયો છે. મને આશા છે કે આ સાચી માહિતી ભવિષ્યમાં પણ તમારા માટે ઉપયોગી થશે, જેથી તમને આવી કોઈ ગેરસમજ ન થાય.