ઓટીટી પ્લેટફોર્મ પર સક્સેસના તમામ રેકોર્ડ તોડનારી સુપરહિટ વેબ સીરીઝ 'મિર્ઝાપુર' હવે થિયેટરોમાં મોટો ધમાકો કરવા તૈયાર છે. મેકર્સ દ્વારા મોસ્ટ અવેટેડ ફિલ્મ ‘મિર્ઝાપુર: ધ મૂવી’નું ટીઝર રિલીઝ કરી દેવામાં આવ્યું છે, જેને જોયા બાદ સિનેમાપ્રેમીઓનો ઉત્સાહ સાતમા આસમાને પહોંચી ગયો છે. રિલીઝ થયેલા આ દમદાર ટીઝરમાં પંકજ ત્રિપાઠી, અલી ફઝલ અને દિવ્યેન્દુ ભયાનક અવતારમાં જોવા મળી રહ્યા છે અને મિર્ઝાપુરની ગાદી માટે ત્રણેય વચ્ચે ભયંકર યુદ્ધ છેડાયું છે. પરંતુ સૌથી મોટી સરપ્રાઈઝ 'પંચાયત' ફેમ જીતેન્દ્ર કુમારની છે, જે આ ફિલ્મમાં 'બબ્લુ પંડિત' ના આઇકોનિક રોલમાં દેખાશે. તો ભોજપુરી સુપરસ્ટાર રવિ કિશનની એન્ટ્રી પણ આ ક્રાઇમ યુનિવર્સમાં ભારે ધમાકો મચાવશે. પૂર્વાંચલની અંધકારમય ગલીઓથી લઈને રાજસ્થાનના રણ સુધી ફેલાયેલી આ વાર્તા વર્ષ ૨૦૧૮ની સીઝન ૧ ના સમયગાળા સાથે જોડાયેલી રહેશે, પણ આ વખતે મોટા પડદા પર એક નવો જ અધ્યાય રજૂ કરાશે.
જુઓ સંપૂર્ણ ટીઝર : https://youtu.be/uBotyv_TSZg
