ચોરીના બે બાઈકો સાથે એક ઇસમને ઝડપી લેતી પાટણ SOG પોલીસ

પોલીસ મહાનિરીક્ષક, સરહદી રેન્જ કચ્છ-ભુજ તથા પોલીસ અધિક્ષક વી.કે.નાયી પાટણનાઓ તરફથી મિલ્કત સંબંધિત ગુન્હા શોધી કાઢવા કરેલ સૂચના આધારે SOG પીઆઈ જે.જી.સોલંકીનાઓના માર્ગદર્શન હેઠળ એસ.ઓ.જી. પાટણ ટીમ ના માણસો બી ડીવીઝન પો.સ્ટે. વિસ્તારમાં પેટ્રોલીંગમાં હતા. તે દરમ્યાન બાતમી હકીકત મળેલ કે એક ઇસમ શંકાસ્પદ બાઇક (મો.સા.) લઇને પાટણ તરફ આવનાર છે બાતમી આધારે વોચ તપાસમાં રહેતા સંજયજી ઉર્ફે કાળીયો મંગાજી ઠાકોર ઉ.-૨૮ રહે છાપી તા. વડગામ જિ.બી.કે નામવાળા ઇસમ બાઇક સાથે મળી આવેલ તથા તેની પૂછપરછ કરતા સદરી ઇસમ સદર બાઇકના કોઇ સાધનીક કાગળો ન હોવાની હકિકત જણાવતો હોઇ વધુ તપાસ કરતા સદર મો.સા. ચોરી બાબતે ગઢ પો.સ્ટે. જિ. બી.કે ખાતે ઈ-એફ.આઇ.આર દાખલ થયેલ હોઇ તદ્ઉપરાંત તેની પાસે અન્ય એક ચોરીનુ બાઇક(મો.સા.) છે જે આધારે ઇસમને બી.એન.એસ.-૨૦૨૩ ની કલમ ૩૫(૧)(ઇ) મુજબ અટક કરી મળી આવેલ મુદ્દામાલ કલમ-૧૦૬ મુજબ કબ્જે કરી આગળની ઘટીત કાર્યવાહી કરવા સારૂ બી ડીવીઝન પો.સ્ટે. સુપ્રત કરવામાં આવેલ હોવાનું જાણવા મળ્યું છે.