અરવલ્લી જિલ્લાના ભીલોડામાં સ્વીફ્ટ કારમાંથી રૂ.2.61 લાખનો દારૂ ઝડપાયો

અરવલ્લી જિલ્લાના ભીલોડા પંથકમાં પોલીસે બાતમીના આધારે વોચ ગોઠવીને વિદેશી દારૂની હેરાફેરીનું મોટું નેટવર્ક ઝડપી પાડ્યું છે. પોલીસે એક શંકાસ્પદ સ્વીફ્ટ કારને આંતરીને તેની તલાશી લેતા, તેમાંથી ગુપ્ત ખાનામાં છુપાવીને લઈ જવાતો રૂપિયા ૨.૬૧ લાખની કિંમતનો ભારતીય બનાવટનો વિદેશી દારૂનો જથ્થો મળી આવ્યો હતો. પોલીસે દારૂના જથ્થા તથા કાર સહિતનો તમામ મુદ્દામાલ જપ્ત કરી કાયદેસરની કાર્યવાહી હાથ ધરી છે, અને આ ગેરકાયદેસર નેટવર્ક પાછળ સંડોવાયેલા અન્ય બુટલેગરોને પકડવા માટેના ચક્રો ગતિમાન કર્યા છે.