હિંમતનગરમાં વિશ્વ હાઈપરટેન્શન દિવસ નિમિત્તે હેલ્થ ચેકઅપ કેમ્પ યોજાયો

હિંમતનગરની કલેક્ટર કચેરી ખાતે વિશ્વ હાઈપરટેન્શન દિવસની ઉજવણી નિમિત્તે હેલ્થ ચેકઅપ કેમ્પનું આયોજન કરવામાં આવ્યું હતું. આ કેમ્પમાં જિલ્લા કલેક્ટર લલિત નારાયણ સિંઘ સાંધુ સહિત 160થી વધુ અધિકારીઓ અને કર્મચારીઓએ ભાગ લીધો હતો. દર વર્ષે 17મી મેના રોજ વિશ્વ હાઈપરટેન્શન દિવસની ઉજવણી કરવામાં આવે છે. આ દિવસનો મુખ્ય હેતુ હાઈપરટેન્શન અંગે જાગૃતિ ફેલાવવાનો છે. હાઈપરટેન્શનને સાયલન્ટ કિલર તરીકે ઓળખવામાં આવે છે. તેને નિયંત્રિત કરવા માટે નિવારક પગલાંને પ્રોત્સાહન આપવામાં આવે છે.કેમ્પમાં ઉપસ્થિત તમામ કર્મયોગીઓનું બ્લડ પ્રેશર અને ડાયાબિટીસનું ચેકઅપ કરવામાં આવ્યું હતું. સાબરકાંઠા જિલ્લાના કર્મચારીઓમાં આરોગ્ય પ્રત્યે જાગૃતિ વધે તે માટે આ પહેલ કરવામાં આવી હતી.