બનાસકાંઠા પોલીસ સક્રિય; ચાઈનીઝ દોરી અને તુક્કલનું વ્યાપક ચેકિંગ

પતંગની દુકાનોમાં ચાઈનીઝ દોરી અને તુક્કલનું વ્યાપક ચેકિંગ અભિયાન હાથ ધરવામાં આવ્યું છે: બનાસકાંઠા જિલ્લામાં આગામી ઉત્તરાયણ તહેવારને ધ્યાનમાં રાખીને પોલીસે સક્રિય થઈને કાર્યવાહી શરૂ કરી છે. પોલીસ વડાની સૂચના અનુસાર, જિલ્લાભરમાં પતંગની દુકાનોમાં ચાઈનીઝ દોરી અને તુક્કલનું વ્યાપક ચેકિંગ અભિયાન હાથ ધરવામાં આવ્યું છે. પોલીસ દ્વારા તમામ પોલીસ સ્ટેશન વિસ્તારમાં આવેલી પતંગની દુકાનોમાં ચેકિંગની કામગીરી કરવામાં આવી રહી છે. આ ચેકિંગનો મુખ્ય હેતુ પ્રતિબંધિત ચાઈનીઝ દોરી અને તુક્કલના વેચાણ પર અંકુશ લગાવવાનો છે, જે ઉત્તરાયણ દરમિયાન માનવ અને પશુ-પક્ષીઓ માટે જોખમી સાબિત થઈ શકે છે. પોલીસના આ પગલાંથી વેપારીઓમાં પણ સતર્કતા આવી છે અને પ્રતિબંધિત સામગ્રીના વેચાણથી દૂર રહેવાનું વલણ જોવા મળી રહ્યું છે. પોલીસે જણાવ્યું કે જો કોઈ વેપારી પાસેથી પ્રતિબંધિત ચાઈનીઝ દોરી કે તુક્કલ મળશે તો તેમની વિરુદ્ધ કડક કાર્યવાહી કરવામાં આવશે.