મોડાસા સિવિલ હોસ્પિટલ સપ્ટેમ્બરથી કાર્યરત કરવા કલેક્ટરની તાકીદ

મોડાસા ખાતે કરોડોના ખર્ચે નવનિર્મિત સિવિલ હોસ્પિટલને આગામી સપ્ટેમ્બર મહિનાથી દર્દીઓની સેવા માટે કાર્યરત કરી દેવા જિલ્લા કલેક્ટરે તંત્રને કડક તાકીદ કરી છે. હોસ્પિટલના બાકી રહેલા આખરી તબક્કાના કામો, મેડિકલ સાધનોની ઉપલબ્ધતા અને સ્ટાફની વ્યવસ્થાને સપ્ટેમ્બર સુધીમાં આટોપી લેવા માટે સંબંધિત વિભાગના અધિકારીઓને સુચના આપવામાં આવી છે, જેથી અરવલ્લી જિલ્લાના નાગરિકોને ઘરઆંગણે જ અદ્યતન આરોગ્ય સુવિધાઓ મળતી થઈ જાય.