સાબરકાંઠા જિલ્લાની તલોદ પોલીસની મોટી સફળતા: ડીઝલ ચોરી કરતી ટોળકીના બે સાગરીતો ઝડપાયા

સાબરકાંઠા જિલ્લાની તલોદ પોલીસે હાઈવે પર સક્રિય ડીઝલ ચોર ટોળકી સામે લાલ આંખ કરીને આંતરજિલ્લા રેકેટનો પર્દાફાશ કરવામાં મોટી સફળતા મેળવી છે. રાત્રિના સમયે હાઈવે પર પાર્ક કરેલા ભારે વાહનોમાંથી ડીઝલ ચોરી કરતી આ શાતિર ટોળકીના બે સાગરીતોને પોલીસે ફિલ્મી ઢબે પીછો કરીને અમદાવાદ ખાતેથી દબોચી લીધા છે. પોલીસે બાતમીના આધારે ઓપરેશન પાર પાડીને ગુનામાં વપરાયેલી લક્ઝરી કાર તેમજ ચોરી કરેલા ડીઝલનો મોટો જથ્થો જપ્ત કર્યો છે. આ ગેંગ ઝડપાતા હાઈવે પર વાહનો ઉભા રાખતા ટ્રક ચાલકોએ રાહતનો શ્વાસ લીધો છે, જ્યારે પોલીસે બંને આરોપીઓની ધરપકડ કરી અન્ય કેટલા ગુના આચર્યા છે તે દિશામાં સઘન પૂછપરછ શરૂ કરી છે.