ડીસા રૂરલ વિસ્તારના ગામોમાં જિલ્લા પોલીસ વડાનો લોક સંવાદ યોજાયો

ડીસા તાલુકાના ઝેરડા, ભડથ ,રામસણ, જુનાડીસા અને સમૌ ગામે બનાસકાંઠા પોલીસ વડા પ્રશાંત સુંબેનો લોકસંવાદ કાર્યક્રમ યોજાયો હતો. ડીસા રૂરલ વિસ્તારના આઉટ પોસ્ટ વિસ્તારોની તેમણે મુલાકાત લઈ લોકોના પ્રશ્નો સાંભળ્યા હતા.ગ્રામજનોએ પણ વધતા જતા નાના મોટા ગુન્હાઓ અને ટ્રાફિકના નડતર રૂપ પ્રશ્નોનું જલ્દી નિરાકરણ આવે તેવી માંગણી કરી હતી.જિલ્લા પોલીસ વડાએ તેના નિરાકરણની ખાતરી આપી જણાવ્યું હતું કે પોલીસ સ્ટાફમાં થોડી વધુ ફાળવણી કરી રૂરલના દરેક વિસ્તારના લોકોને પડતી તકલીફો દૂર કરવામાં આવશે. કાર્યક્રમની શરૂઆત નાની બાળાઓ દ્વારા જિલ્લા પોલીસ વડાને કંકુતીલક કરી કરવામાં આવી હતી. કાર્યક્રમમાં તેમની સાથે ડીવાયએસપી સોલંકી, ડીસા રૂરલ પીઆઈ વી. એમ. ચૌધરી તથા પોલીસ સ્ટાફ અને સરપંચો તેમજ ગામમાંથી મોટી સંખ્યામાં લોકો હાજર રહ્યા હતા.