અરવલ્લીમાં કલેક્ટરના અધ્યક્ષસ્થાને સંકલન-ફરિયાદ સમિતિની બેઠક યોજાઈ

અરવલ્લી જિલ્લા સેવા સદન ખાતે કલેક્ટરના અધ્યક્ષસ્થાને જિલ્લા સંકલન અને ફરિયાદ સમિતિની સમીક્ષા બેઠક યોજાઈ હતી. આ બેઠકમાં જિલ્લાના પડતર પ્રશ્નો, પ્રજાલક્ષી વિકાસ કામોની પ્રગતિ અને વિવિધ વિભાગો વચ્ચેના સંકલનને વધુ સુદ્રઢ બનાવવા અંગે સઘન ચર્ચા કરવામાં આવી હતી. કલેક્ટરે પ્રજાની ફરિયાદોનો વહેલી તકે નિકાલ કરવા અને સરકારી યોજનાઓનો લાભ છેવાડાના માનવી સુધી પહોંચાડવા માટે અધિકારીઓને કડક સૂચનાઓ આપી હતી.