મેઘરાજાનું પુનરાગમન: અંબાજી પંથકમાં લાંબા વિરામ બાદ ધોધમાર વરસાદ

અંબાજીમાં લાંબા સમયના વિરામ બાદ આજે બપોરે ધોધમાર વરસાદ શરૂ થયો હતો. વીજળીના કડાકા ભડાકા સાથે વરસાદ તૂટી પડ્યો હતો. બે દિવસથી અસહ્ય ગરમી અને ઉકળાટ ભર્યું વાતાવરણ હતું. આજરોજ વરસાદ આવતા ગરમીથી રાહત મળી હતી. આ વરસાદ આવવાથી અંબાજી અને આજુબાજુના વિસ્તારમાં ખેતીને જીવત દાન મળશે અને ખેડૂતોમાં  પાક બળી જવાની ભીતિ હતી તેનાથી રાહત મળશે. બપોરના સમયે ગાજવીજ સાથે વરસાદ પડતા અંબાજીના માર્ગો પર પાણી વહેતા થયા હતા. અને બસ સ્ટેન્ડની પાછળના નીચાણવાળા ભાગમાં પાણી ભરાયા હતા. આગામી દિવસોમાં અંબાજીમાં ભાદરવીનો મહા મેળો ભરવાનો છે. ત્યારે અગાઉ વરસાદ ના આવવાથી પાણીની મુશ્કેલી સર્જાય તેવી સ્થિતિ હતી. પરંતુ  વરસાદ આવતા પાણીની સમસ્યા કંઈક અંશે હળવી થશે તેવી આશા છે.