નાગપુર હિંસા કેસમાં પોલીસને સફળતા; ફહીમ ખાનની પોલીસે ધરપકડ કરી

નાગપુર હિંસા કેસમાં પોલીસને મોટી સફળતા મળી છે. હિંસા કેસના માસ્ટરમાઈન્ડ ફહીમ ખાનની પોલીસે ધરપકડ કરી છે. વિશ્વ હિન્દુ પરિષદના આંદોલન બાદ, મુસ્લિમ સંગઠનોએ વિરોધ પ્રદર્શનો કર્યા. સોમવારે બપોરે થયેલા વિરોધ પ્રદર્શનમાં ફહીમ શમીમ શેખ પણ સામેલ હતા. ફહીમ શમીમ ખાન માઇનોરિટી ડેમોક્રેટિક પાર્ટીના નાગપુર જિલ્લા પ્રમુખ છે. સોમવારે બપોરે વિરોધ પ્રદર્શનનું નેતૃત્વ કરવા બદલ 38 વર્ષીય ફૈમ શમીમ ખાન સામે આરોપો દાખલ કરવામાં આવ્યા હતા. ફહીમે 50 થી 60 લોકોનું ટોળું ભેગું કર્યું હતું અને પોલીસ સ્ટેશનમાં નિવેદન આપ્યું હતું. પોલીસે જેમની સામે કેસ નોંધ્યો છે તેમાં ફહીમનું નામ પણ સામેલ છે. તેમણે નાગપુરથી 2024ની વિધાનસભા ચૂંટણી લડી છે. આ ચૂંટણીમાં તેમની ડિપોઝીટ જપ્ત થઈ ગઈ.