પાટણમાં ગરમીના પ્રકોપથી લોકોએ બપોર ના સમયે બહાર નિકળવાનું ટાળ્યું

ગરમીથી બચવા લોકો ઠંડા પીણા-છાસ સહિત ફળોનો ઉપયોગ કરી રહ્યા છે; પાટણ જિલ્લામાં ગરમીનું પ્રમાણ યથાવત્ રહેવા પામ્યું છે. હવામાન વિભાગના જણાવ્યા મુજબ શુક્રવારે મહત્તમ તાપમાન 41 ડિગ્રી સેલ્સિયસ સુધી પહોંચ્યું હતું.તો બપોરના સમયે તાપમાનમાં મહંદઅંશે વધારો જોવા મળ્યો હતો. જિલ્લામાં લઘુત્તમ તાપમાન 25 ડિગ્રી સેલ્સિયસ નોંધાયું છે. છેલ્લા બે-ત્રણ દિવસથી ગરમીનું પ્રમાણ વધ્યું છે. આગામી દિવસોમાં પણ તાપમાન વધવાની હવામાન વિભાગે આગાહી છે. આકરી ગરમીને કારણે શહેરીજનો બપોરના સમયે ઘરની બહાર નીકળવાનું ટાળી રહ્યા છે. લોકો ગરમીથી બચવા માટે ઠંડા પીણા, છાસ અને ફળોનો ઉપયોગ કરી રહ્યા છે ત્યારે નિષ્ણાતોએ હીટવેવથી બચવા માટે કેટલીક મહત્વપૂર્ણસલાહ આપી છે જેમાં તરસ ન લાગે તો પણ નિયમિત પાણી પીવું જરૂરી છે. શરીરમાં પ્રવાહીની માત્રા જાળવવા ORS, છાસ, લસ્સી, લીંબુ પાણી અને નારિયેળ પાણીનોઉપયોગ કરવો જોઈએ. બહાર નીકળતી વખતે માથું ઢાંકવું અને હળવા સુતરાઉ કપડાં પહેરવા જરૂરી છે. આંખો અને ત્વચાના રક્ષણ માટે સનગ્લાસ અને સનસ્ક્રીનનો ઉપયોગ કરવો આવશ્યક છે. બાળકો,વૃદ્ધો અને બીમાર વ્યક્તિઓની વિશેષ કાળજી રાખવી હિતાવહ છે.