મહારાષ્ટ્રઃ ઓર્ડિનન્સ ફેક્ટરીમાં જોરદાર વિસ્ફોટ, 1નું મોત, અનેક ઘાયલ

મહારાષ્ટ્રમાંથી અકસ્માતના હૃદયદ્રાવક સમાચાર સામે આવી રહ્યા છે. જાણકારી અનુસાર ભંડારાના જવાહરનગર સ્થિત ઓર્ડનન્સ/ઓર્ડિનન્સ ફેક્ટરીમાં મોટો વિસ્ફોટ થયો છે. પ્રાથમિક માહિતી અનુસાર, વિસ્ફોટ ફેક્ટરીના આરકે શાખા વિભાગમાં થયો હતો. આ અકસ્માતમાં 5 થી 6 લોકો ઘાયલ થયા હોવાની પ્રાથમિક માહિતી સામે આવી છે. આ સાથે જ એક વ્યક્તિના મોતના સમાચાર પણ સામે આવ્યા છે. ડિસ્ટ્રિક્ટ કંટ્રોલ રૂમમાંથી મળેલી માહિતી અનુસાર, આજે સવારે લગભગ 10 વાગ્યે જવાહર નગરની ઓર્ડનન્સ ફેક્ટરીમાં વિસ્ફોટ થયો હતો. તેમાં કામ કરતા કેટલાક કર્મચારીઓ ગંભીર રીતે ઘાયલ થયા હોવાની પ્રાથમિક માહિતી મળી છે. મળતી માહિતી મુજબ ફાયર બ્રિગેડ વિભાગ, પોલીસ વિભાગ, તહસીલદાર અને અન્ય જરૂરી વહીવટી અધિકારીઓ બચી ગયેલાઓની શોધ માટે ઘટનાસ્થળે હાજર છે. ઘટનાસ્થળે SDRFને વધારાની સહાય પૂરી પાડવામાં આવી છે. 13 થી 14 લોકોને બચાવી લેવાયા હતા પીટીઆઈ અનુસાર, એક અધિકારીએ કહ્યું છે કે ભંડારા ઓર્ડનન્સ ફેક્ટરીમાં વિસ્ફોટને કારણે યુનિટની છત પડી ગઈ છે. ઘટનાસ્થળેથી 13થી 14 લોકોને બચાવી લેવાયા છે. પોલીસ અને અધિકારીઓએ કહ્યું છે કે ફેક્ટરીમાં રાહત અને બચાવ કાર્ય ચાલી રહ્યું છે. આ સમગ્ર મામલે તપાસ ચાલી રહી છે. આ વિસ્ફોટ સાથે જોડાયેલો એક ડરામણો વીડિયો પણ સામે આવ્યો છે.