IPL 2025: આજે SRH Vs GT વચ્ચે મહા મુકાબલો

IPL 2025 ખૂબ જ શાનદાર રીતે રમાઈ રહી છે. ચાહકોને દરરોજ રોમાંચક મેચ જોવા મળી રહી છે. 9 ટીમો પ્લેઓફમાં પહોંચવા માટે સખત પ્રયાસ કરી રહી છે. IPL 2025 માં ગુજરાત ટાઇટન્સ અને સનરાઇઝર્સ હૈદરાબાદ વચ્ચે 2 મે ના રોજ મેચ રમાશે. પ્લેઓફમાં પહોંચવા માટે બંને ટીમો માટે આ મેચ ખૂબ જ મહત્વપૂર્ણ છે. શુભમન ગિલની કેપ્ટનશીપ હેઠળ, ગુજરાત ટાઇટન્સની ટીમે વર્તમાન સિઝનમાં શાનદાર પ્રદર્શન કર્યું છે. ટીમે અત્યાર સુધીમાં કુલ 9 મેચ રમી છે, જેમાંથી તેણે 6 જીતી છે અને માત્ર ત્રણ મેચ હારી છે. ૧૨ પોઈન્ટ સાથે તેનો નેટ રન રેટ માઈનસ ૦.૭૪૮ છે. તે પોઈન્ટ ટેબલમાં ચોથા સ્થાને છે. જીત નોંધાવીને, તેમનો હેતુ પ્લેઓફ માટેનો પોતાનો દાવો મજબૂત કરવાનો રહેશે. સનરાઇઝર્સ હૈદરાબાદની ટીમે ચાલુ સિઝનમાં અત્યાર સુધીમાં કુલ 9 મેચ રમી છે, જેમાંથી તેણે ફક્ત ત્રણમાં જીત મેળવી છે અને 6 મેચમાં હારનો સામનો કરવો પડ્યો છે. તેના હવે 6 પોઈન્ટ છે. હવે, પ્લેઓફમાં પહોંચવા માટે, તેમને તેમની બાકીની બધી મેચ જીતવી પડશે.   IPLમાં ગુજરાત ટાઇટન્સ અને સનરાઇઝર્સ હૈદરાબાદ વચ્ચે અત્યાર સુધીમાં કુલ 5 મેચ રમાઈ છે, જેમાંથી ગુજરાતે 3 અને હૈદરાબાદની ટીમે એક મેચ જીતી છે. એક મેચમાં કોઈ પરિણામ આવ્યું નથી. આવી સ્થિતિમાં, આંકડા મુજબ, ગુજરાતની ટીમનો હાથ ઉપર છે.