સાબરકાંઠા LCB (લોકલ ક્રાઈમ બ્રાન્ચ)એ તલોદના ગુલાબની મુવાડી નજીકથી એલ્યુમિનિયમ ધાતુની ચોરી કરનાર ગેંગના ચાર સભ્યોને ઝડપી પાડ્યા છે. તેમની પાસેથી ચોરીનો કુલ રૂ. 7,31,750નો મુદ્દામાલ જપ્ત કરવામાં આવ્યો છે. આ આરોપીઓને વધુ કાર્યવાહી માટે તલોદ પોલીસને સોંપવામાં આવ્યા છે. ચાર દિવસ પહેલા તલોદ પોલીસ સ્ટેશનમાં ગુલાબની મુવાડી ગામની સીમમાં આવેલી એન્ટિક એક્સટ્રુઝન ફેક્ટરીમાંથી એલ્યુમિનિયમ ધાતુના ગઠ્ઠાઓની ચોરી થયાની ફરિયાદ નોંધાઈ હતી. આ ફરિયાદના આધારે સાબરકાંઠા LCB ટીમે ટેકનિકલ સર્વેલન્સ અને સીસીટીવી ફૂટેજના આધારે તપાસ તેજ કરી હતી. સાબરકાંઠા LCB PI ડી.સી. સાકરિયાએ જણાવ્યું કે, PSI આર.કે. જોષી અને આર.જે. જાડેજા સહિતની ટીમ તપાસમાં હતી. તે દરમિયાન નિરીલકુમાર અને જીજ્ઞેશભાઈને બાતમી મળી હતી કે ચોરી કરનારા ઈસમો જોરાજીના મુવાડા ગામની સીમમાં લુણી નદીના પટ પાસે ચોરીનો માલ વેચવાનું નક્કી કરવા ભેગા થયા છે. બાતમીના આધારે LCB ટીમ ઘટનાસ્થળે પહોંચી હતી અને એક ડાલુ (વાહન) તથા ત્રણ મોટરસાયકલ સાથે ચાર શખ્સોને ઝડપી પાડ્યા હતા. ડાલામાંથી એલ્યુમિનિયમ ધાતુના કુલ 37 ગઠ્ઠા (1335 કિલોગ્રામ) મળી આવ્યા હતા. જપ્ત કરાયેલા મુદ્દામાલમાં રૂ.3,33,750 ની કિંમતના એલ્યુમિનિયમના ગઠ્ઠા, રૂ.3,00,000ની કિંમતનું અશોક લેલન્ડ બડા દોસ્ત ડાલુ (નંબર GJ-18 BW-1285), રૂ.18,000ની કિંમતના બે મોબાઈલ ફોન, અને રૂ.80,000ની કિંમતના બે મોટરસાયકલ તથા એક એક્ટિવા શામેલ છે. આમ, કુલ રૂ.7,31,750 નો મુદ્દામાલ કબજે કરવામાં આવ્યો છે.
સાબરકાંઠા LCBએ તલોદ ફેક્ટરીમાંથી એલ્યુમિનિયમ ચોરી કરનાર રૂ. 7.31 લાખના મુદ્દામાલ સાથે 4 ઝડપ્યા

સંબંધિત સમાચાર
સાબરકાંઠાસાબરકાંઠાના બડોલની સીમમાં ડ્રોન સ્ટ્રાઈક : SOGએ ખેતરમાંથી ₹10 લાખનો ગાંજો ઝડપ્યો
2 દિવસ પહેલા
સાબરકાંઠાહિંમતનગરમાં આકાશી આફત : ભારે પવન અને ગાજવીજ સાથે કમોસમી વરસાદ
6 દિવસ પહેલા
સાબરકાંઠાસાબરકાંઠાની વડાલી પોલીસે દેશી બંદૂક સાથે બે આરોપીઓને ઝડપ્યા
1 અઠવાડિયા પહેલા
સાબરકાંઠાહિંમતનગર : રાજ્યપાલ આચાર્ય દેવવ્રતે નવાનગર ગામની મુલાકાત લીધી
1 અઠવાડિયા પહેલા
