બાંગ્લાદેશમાં એક જ દિવસમાં બે વાર ભૂકંપ

બાંગ્લાદેશમાં આજે ફરી ભૂકંપના આંચકા અનુભવાયા હતા. માહિતી અનુસાર, એક સેકન્ડમાં બે ભૂકંપ આવ્યા હતા, આ વાતની પુષ્ટિ BMD દ્વારા કરવામાં આવી હતી અને કહેવામાં આવ્યું હતું કે એક સેકન્ડમાં બે ભૂકંપ આવ્યા હતા. BMD અનુસાર, ભૂકંપની તીવ્રતા 3.7 અને 4.3 હતી, પરંતુ USGS અથવા અન્ય એજન્સીઓએ ફક્ત એક જ ભૂકંપની જાણ કરી છે. બાંગ્લાદેશ હવામાન વિભાગના ભૂકંપ નિરીક્ષણ અને સંશોધન કેન્દ્રે શનિવારે સવારે 10:36 વાગ્યે ઢાકાના આશુલિયાના બાયપાઇલ ખાતે રિક્ટર સ્કેલ પર 3.3 ની તીવ્રતાનો ભૂકંપ નોંધ્યો હતો. ભૂકંપ દેખરેખ અને સંશોધન કેન્દ્રના અધિકારી નિઝામુદ્દીન અહેમદે આ વાતની પુષ્ટિ કરી છે. ગઈકાલે, શુક્રવારે, બાંગ્લાદેશમાં 5.7 ની તીવ્રતાનો ભૂકંપ આવ્યો હતો, જેમાં મૃત્યુઆંક નવ થયો હતો, જ્યારે 100 થી વધુ ઘાયલ થયા હતા. વચગાળાની સરકારના મુખ્ય સલાહકાર મુહમ્મદ યુનુસે પીડિતો પ્રત્યે ઊંડી સંવેદના વ્યક્ત કરી હતી. શુક્રવારે બાંગ્લાદેશમાં આવેલા ભૂકંપના જોરદાર આંચકા ભારતના કોલકાતા સહિત બંગાળના અનેક જિલ્લાઓમાં અનુભવાયા હતા. ભૂકંપ સવારે 10.10 વાગ્યે આવ્યો હતો અને તેની તીવ્રતા રિક્ટર સ્કેલ પર 5.7 માપવામાં આવી હતી. લોકોએ જણાવ્યું હતું કે ધરતી 17 સેકન્ડ સુધી ધ્રુજતી રહી. આ ભૂકંપનું કેન્દ્ર બાંગ્લાદેશ હોવાનું કહેવાય છે. જર્મન રિસર્ચ સેન્ટર ફોર જીઓસાયન્સ દ્વારા શેર કરવામાં આવેલી માહિતી અનુસાર, શુક્રવારે બાંગ્લાદેશમાં 5.7 ની તીવ્રતાનો ભૂકંપ અનુભવાયો હતો. કેન્દ્રએ જણાવ્યું હતું કે ભૂકંપ 10 કિમીની ઊંડાઈએ આવ્યો હતો.