આજે મતદારો 25,000 ઉમેદવારોનું ભાવિ નક્કી કરશે

રાજ્યમાં આજે એટલે કે 26 એપ્રિલના રોજ સ્થાનિક સ્વરાજ્યની ચૂંટણી માટે મતદાન થવાનું છે. રાજ્યની 15 મહાનગરપાલિકા, 84 નગરપાલિકા, 34 જિલ્લા પંચાયત અને 260 તાલુકા પંચાયતોની કુલ 9274 બેઠકો માટે મતદાન યોજાશે. મતદારો આજે સવારે 7 વાગ્યાથી સાંજના 6 વાગ્યા સુધી તેમના મતાધિકારનો ઉપયોગ કરશે. સાથે ગરમીને ધ્યાને રાખી તંત્રએ બુથ પર પાણી-ORS સહિતની ખાસ વ્યવસ્થા કરવામાં આવી છે.

ગુજરાતમાં સ્થાનિક સ્વરાજ્યની ચૂંટણી માટે આજે મતદાન પ્રક્રિયાનો પ્રારંભ થયો છે. હવામાન વિભાગ દ્વારા રાજ્યમાં 41 થી 44 ડિગ્રી સુધીની આકરી ગરમી અને હીટવેવની આગાહી કરવામાં આવી હોવા છતાં, મતદારોમાં અનેરો ઉત્સાહ જોવા મળી રહ્યો છે. બપોરના સમયે તાપમાનનો પારો આસમાને પહોંચશે તેવી શક્યતાને જોતા લોકો વહેલી સવારથી જ મતદાન મથકો પર ઉમટી પડ્યા છે.