બનાસકાંઠા રેન્જ પોલીસ મહાનિરીક્ષક પરીક્ષિતા રાઠોડ તથા બનાસકાંઠા જિલ્લા પોલીસ અધિક્ષક પ્રશાંત સુંબે દ્વારા જિલ્લામાં દારૂ તથા જુગારની અસામાજિક પ્રવૃત્તિઓ સંપૂર્ણપણે નેસ્તનાબૂદ કરવા આપેલી કડક સૂચના અન્વયે કાર્યવાહી હાથ ધરવામાં આવી છે.
નાયબ પોલીસ અધિક્ષક (ડીસા વિભાગ) સી.એલ. સોલંકી તથા ડીસા ઉત્તર પોલીસ સ્ટેશનના પોલીસ ઇન્સ્પેક્ટર એ.આર. ખત્રીના માર્ગદર્શન હેઠળ ડીસા શહેર ઉત્તર પોલીસનો સ્ટાફ વિસ્તારમાં પેટ્રોલીંગમાં હતો. તે દરમિયાન ખાનગી રાહે મજબૂત બાતમી મળેલ કે, ડીસા લુહારવાસ ખાતે રહેતા મુકેશભાઈ ઉર્ફે પંજો માળીના ઘરની આગળ ખુલ્લામાં લાઈટના અજવાળે કેટલાક ઇસમો તીન-પત્તીનો પૈસા વડે હાર-જીતનો જુગાર રમી રહ્યા છે. બાતમીના આધારે પોલીસે તુરંત સ્થળ પર રેડ કરી જુગાર રમતા ૨ ઈસમોને ઝડપી પાડ્યા હતા. પોલીસે ઘટના સ્થળેથી જુગારના સાહિત્ય તેમજ રોકડ રકમ રૂ. ૧૧,૦૫૦/- નો મુદ્દામાલ જપ્ત કરી કાયદેસરની કાર્યવાહી હાથ ધરી છે.
પકડાયેલ આરોપીઓમાં
નટવરજી ભુરાજી માજીરાણા, સુરેશભાઈ ગોરધનજી માળી સામેલ છે જ્યારે મુકેશભાઈ ઉર્ફે પંજો માળી, ભરતભાઈ લુહાર અને
કાળુ ઠાકોર ફરાર થઈ ગયા હતા. પોલીસે ફરાર આરોપીઓને ઝડપી પાડવા માટે આગળની તપાસ હાથ ધરી છે.
