ડીસા માર્કેટયાર્ડમાં નવી મગફળીની આવક શરૂ થઈ ખેડૂતોમાં ઉત્સાહના માહોલ સાથે સારા ભાવની આશા

જીલ્લામાં ૮૯ હજારથી વધુ હેક્ટરમાં વાવેતર: પ્રથમ દિવસે ૨૦ કિલોના રૂ. ૧,૪૫૧ સુધીના ભાવ મળ્યા

​ઉત્તર ગુજરાતના મગફળીના હબ ગણાતા ડીસા માર્કેટયાર્ડમાં ચાલુ સીઝનની નવી મગફળીની આવકનો વિધિવત પ્રારંભ થઈ ચૂક્યો છે. ચોમાસાની સીઝન પૂરી થયા બાદ ખેતરોમાં પાક તૈયાર થઈને બજારમાં આવવાની શરૂઆત થતાં જ માર્કેટયાર્ડમાં ભારે ચહલ-પહલ જોવા મળી રહી છે. 

સીઝનના પ્રથમ દિવસે જ માર્કેટયાર્ડમાં ૨૦ બોરી મગફળીની આવક થઈ હતી, જેમાં પ્રતિ ૨૦ કિલોના રૂ. ૧,૪૫૧ સુધીના ઊંચા ભાવ નોંધાતા ખેડૂતોમાં ખુશી અને ઉત્સાહનો માહોલ છવાઈ ગયો છે. જોકે આ વર્ષે સામાન્ય વરસાદ રહેતા મગફળીના ઉત્પાદન પર અસર જોવા મળી શકે છે.