મુંબઈ-અમદાવાદ બુલેટ ટ્રેન: BKC-શિલફાટા વચ્ચે 2.7 કિમી લાંબી ટનલના બાંધકામનું કામ પૂર્ણ, NHSRCL એ આપી મહત્વપૂર્ણ માહિતી

નેશનલ હાઈ સ્પીડ રેલ કોર્પોરેશન લિમિટેડ (NHSRCL) એ ગુરુવારે જણાવ્યું હતું કે મુંબઈ-અમદાવાદ બુલેટ ટ્રેન પ્રોજેક્ટ માટે મુંબઈમાં બાંદ્રા-કુર્લા કોમ્પ્લેક્સ (BKC) અને થાણેમાં શિલ્ફાટા વચ્ચે બનાવવામાં આવી રહેલી 21 કિલોમીટર લાંબી ટનલમાં તેણે પ્રથમ સફળતા મેળવી છે. NHSRCL એ જણાવ્યું હતું કે 2.7 કિલોમીટર લાંબી ટનલ ન્યૂ ઓસ્ટ્રિયન ટનલિંગ મેથડ (NATM) નો ઉપયોગ કરીને સફળતાપૂર્વક પૂર્ણ કેરવામાં આવી છે. આ સિદ્ધિ ભારતના પ્રથમ બુલેટ ટ્રેન પ્રોજેક્ટમાં એક મહત્વપૂર્ણ છલાંગ દર્શાવે છે, જેનો ઉદ્દેશ્ય મુંબઈ અને અમદાવાદને હાઇ-સ્પીડ રેલ કોરિડોર દ્વારા જોડવાનો છે, જે મુસાફરીનો સમય નોંધપાત્ર રીતે ઘટાડે છે અને બે નાણાકીય કેન્દ્રો વચ્ચે પરિવહન કાર્યક્ષમતામાં વધારો કરે છે. NHSRCL એ જણાવ્યું હતું કે આ 21 કિમી લાંબી ટનલ હાઇ-સ્પીડ રેલ કોરિડોરનો એક મહત્વપૂર્ણ ભાગ હશે, જેમાં 16 કિમી ટનલ બોરિંગ મશીનો (TBM) નો ઉપયોગ કરીને બનાવવામાં આવશે અને બાકીનો 5 કિમી શિલ્ફાટા અને ઘનસોલી વચ્ચે ન્યૂ ઓસ્ટ્રિયન ટનલીંગ મેથડ (NATM) દ્વારા બનાવવામાં આવશે. નોંધનીય છે કે ટનલમાં થાણે ક્રીક હેઠળ 7 કિમીનો દરિયાઈ ભાગ પણ છે. NATM વિભાગમાં ટનલ બનાવવાની પ્રક્રિયાને ઝડપી બનાવવા માટે, એક વધારાની સંચાલિત મધ્યવર્તી ટનલ (ADIT) બનાવવામાં આવી હતી, જેના કારણે ઘણસોલી અને શિલફાટા બંને છેડાથી એકસાથે ખોદકામ શક્ય બન્યું હતું. કુલ NATM વિભાગમાંથી, શિલફાટા બાજુથી લગભગ 1.62 કિમી ખોદકામ કરવામાં આવ્યું છે.