હવામાન વિભાગની ચેતવણી : ઉત્તરાખંડ અને હિમાચલમાં ભારે વરસાદનો ખતરો

હાલમાં, એક તરફ દક્ષિણમાં મોનસૂન ટ્રફ સક્રિય છે, બીજી તરફ વેસ્ટર્ન ડિસ્ટર્બન્સ ચક્રવાત પરિભ્રમણના સ્વરૂપમાં ઉત્તર પાકિસ્તાન અને પંજાબ પર હાજર છે : બંને સિસ્ટમની ટક્કર ઉત્તર ભારતમાં ચોમાસાએ ભારે તબાહી મચાવી છે અને હજુ પણ હવામાન વિભાગે વધુ ખતરનાક પરિસ્થિતિની આગાહી કરી છે. હવામાન વિભાગ (IMD) અનુસાર, મોનસૂન ટ્રફ અને વેસ્ટર્ન ડિસ્ટર્બન્સ (પશ્ચિમી વિક્ષેપ)ની ટક્કરને કારણે આગામી દિવસોમાં ઉત્તરાખંડ, હિમાચલ પ્રદેશ અને જમ્મુ-કાશ્મીરમાં ભારે વરસાદ પડી શકે છે. આનાથી પહાડી વિસ્તારોમાં પૂર, ભૂસ્ખલન અને વાદળ ફાટવાની ઘટનાઓ વધી શકે છે. હવામાન વિભાગના જણાવ્યા અનુસાર, ૧ સપ્ટેમ્બરથી ઉત્તરાખંડના ઘણા વિસ્તારોમાં અને ૨ સપ્ટેમ્બરના રોજ હિમાચલ પ્રદેશ અને જમ્મુ-કાશ્મીરમાં ભારે વરસાદની સંભાવના છે. આના કારણે નદીઓનું જળસ્તર ભયજનક સપાટી વટાવી શકે છે, જેનાથી પૂર જેવી પરિસ્થિતિ સર્જાઈ શકે છે. હવામાન વિભાગના ડિરેક્ટર મૃત્યુંજય મહાપાત્રાએ જણાવ્યું કે ઓગસ્ટ મહિનામાં ઉત્તરાખંડ, જમ્મુ-કાશ્મીર અને હિમાચલ પ્રદેશમાં થયેલા ભારે વરસાદનું મુખ્ય કારણ આ જ હતું. દેહરાદૂનના વરિષ્ઠ હવામાનશાસ્ત્રી રોહિત થપલિયાલે જણાવ્યું કે આગામી ૪૮ કલાક ઉત્તરાખંડ માટે ખૂબ જ સંવેદનશીલ છે. આ જોતાં, દેહરાદૂન, ટિહરી, પૌરી, હરિદ્વાર, ચંપાવત, નૈનિતાલ, બાગેશ્વર અને ઉધમ સિંહ નગરમાં રેડ એલર્ટ જાહેર કરવામાં આવ્યું છે.હાલમાં, એક તરફ દક્ષિણમાં મોનસૂન ટ્રફ સક્રિય છે, તો બીજી તરફ વેસ્ટર્ન ડિસ્ટર્બન્સ ચક્રવાત પરિભ્રમણના સ્વરૂપમાં ઉત્તર પાકિસ્તાન અને પંજાબ પર હાજર છે. આ બંને સિસ્ટમની ટક્કરથી ભેજનું પ્રમાણ વધી રહ્યું છે, જે હિમાલય ક્ષેત્રમાં ભારે વરસાદ લાવી શકે છે. મહાપાત્રાએ જણાવ્યું કે ૨૦૦૧ પછી ઓગસ્ટમાં ઉત્તર-પશ્ચિમ ભારતમાં સૌથી વધુ વરસાદ નોંધાયો છે અને સપ્ટેમ્બરમાં પણ આ સ્થિતિ ચાલુ રહેવાની શક્યતા છે.