જુની ભીલડી આંગણવાડી કેન્દ્ર ખાતે સન્માન સમારોહ યોજાયો
માતા યશોદા એવોર્ડ વર્ષ ૨૦૨૨-૨૩ અંતર્ગત શ્રેષ્ઠ આંગણવાડી કાર્યકર/તેડાગરની કામગીરી બદલ ડીસા ઘટક-૩ના કેન્દ્ર નંબર-૬, આંગણવાડી જુની ભીલડી ખાતે કાર્યરત રાજગોર ઉર્મિલાબેન વિષ્ણુભાઈ તથા હેલ્પર સાધુ રેખાબેન હિતેશભાઈને માતા યશોદા એવોર્ડથી સન્માનિત કરવામાં આવ્યા હતા.
જુની ભીલડી આંગણવાડી ખાતે યોજાયેલા સન્માન સમારોહમાં સી.ડી.પી.ઓ. અરુણાબેન, સુપરવાઇઝર પ્રજાપતિ મંજુલાબેન, એન.એમ.એમ. આશિકભાઈ, અલ્પેશભાઈ મોદી, રાજુભાઈ રાજગોર, પત્રકાર જીગર ચાવડા, હિતેશભાઈ સાધુ, પત્રકાર નરેશભાઈ મોદી, વિષ્ણુભાઈ રાજગોર સહિત ગામના આગેવાનો અને ગ્રામજનો ઉપસ્થિત રહ્યા હતા.
આ પ્રસંગે ઉપસ્થિત મહાનુભાવોએ આંગણવાડી કાર્યકર તથા હેલ્પરની કામગીરીને બિરદાવી બંનેને એવોર્ડ બદલ શુભેચ્છાઓ પાઠવી હતી. એવોર્ડ પ્રાપ્ત કરનાર કાર્યકર અને હેલ્પરે પણ આ સન્માન બદલ આભાર વ્યક્ત કર્યો હતો.
