ટ્રમ્પના ટેરીફના વચ્ચે ભારતીય અર્થતંત્રનું શાનદાર પ્રદર્શન : પ્રથમ ક્વાર્ટરમાં 7.8% GDP વૃદ્ધિદર

GDP વૃદ્ધિ દર 7.8 ટકા વધ્યો છે, જ્યારે અંદાજ 6.7 ટકા હતો : ખાસ કરીને સેવા ક્ષેત્ર (તૃતીય ક્ષેત્ર) માં તેજી, સતત રોકાણ અને સરકારી ખર્ચમાં ઉછાળોએ સકારાત્મક સંકેતો ચાલુ નાણાકીય વર્ષના પ્રથમ ત્રિમાસિક ગાળામાં ભારતીય અર્થતંત્રે મજબૂત પ્રદર્શન કર્યું છે. નાણાકીય વર્ષ 2025-26 ના પ્રથમ ત્રિમાસિક ગાળા (એપ્રિલ-જૂન) માં GDP વૃદ્ધિ દર 7.8 ટકા રહ્યો છે, જ્યારે અંદાજ 6.7 ટકા હતો. ગયા વર્ષે આ જ ત્રિમાસિક ગાળામાં GDP વૃદ્ધિ દર 6.5 ટકા હતો. જ્યારે અર્થતંત્રમાં ત્રિમાસિક ગાળાના આધારે તેજી નોંધાઈ છે. નાણાકીય વર્ષ 25 ના ચોથા ત્રિમાસિક ગાળામાં GDP વૃદ્ધિ દર 7.4 ટકા હતો. વર્તમાન અહેવાલ દર્શાવે છે કે નાણાકીય વર્ષ 2025-26 ની શરૂઆતમાં ભારતીય અર્થતંત્ર સારી ગતિએ આગળ વધી રહ્યું છે. ખાસ કરીને સેવા ક્ષેત્ર (તૃતીય ક્ષેત્ર) માં તેજી, સતત રોકાણ અને સરકારી ખર્ચમાં ઉછાળો એ સકારાત્મક સંકેતો છે. નાણાકીય વર્ષ 2025-26 ના પ્રથમ ત્રિમાસિક ગાળામાં વાસ્તવિક GDP માં 7.8% નો વિકાસ નાણાકીય વર્ષ 2024-25 ના પ્રથમ ત્રિમાસિક ગાળામાં 6.5% ના વિકાસ દર કરતા ઘણો વધારે છે. તે જ સમયે, સેવા ક્ષેત્રમાં શાનદાર વૃદ્ધિને કારણે, ભારતીય અર્થતંત્રે નાણાકીય વર્ષ 2025-26 ના પ્રથમ ત્રિમાસિક ગાળામાં 7.6% ની વાસ્તવિક GVA વૃદ્ધિ નોંધાવી છે. આંકડા અને કાર્યક્રમ અમલીકરણ મંત્રાલયે નાણાકીય વર્ષ 2025-26 ના એપ્રિલ-જૂન ત્રિમાસિક ગાળા માટે GDP ના ત્રિમાસિક અંદાજ તેમજ ખર્ચના ડેટા જાહેર કર્યા છે.નાણાકીય વર્ષ 2025-26 ના પ્રથમ ત્રિમાસિક ગાળામાં નોમિનલ GDP માં 8.8% નો વધારો થયો છે. કૃષિ અને સંબંધિત ક્ષેત્રોમાં વાસ્તવિક GVA વૃદ્ધિ દર 3.7 ટકા હતો, જ્યારે પાછલા નાણાકીય વર્ષના પ્રથમ ત્રિમાસિક ગાળામાં 1.5 ટકાનો વિકાસ નોંધાયો હતો. ગૌણ ક્ષેત્ર, ખાસ કરીને ઉત્પાદનમાં 7.7 ટકા અને બાંધકામમાં 7.6 ટકા, આ ત્રિમાસિક ગાળામાં સ્થિર ભાવે 7.5% થી વધુનો વિકાસ દર નોંધાવ્યો છે. ખાણકામ ક્ષેત્ર -3.1% અને વીજળી, ગેસ, પાણી પુરવઠા અને અન્ય ઉપયોગિતા સેવાઓ ક્ષેત્રમાં 0.5% નો વધારો થયો હતો. નાણાકીય વર્ષ 2025-26 ના પ્રથમ ત્રિમાસિક ગાળા દરમિયાન વાસ્તવિક ખાનગી અંતિમ વપરાશ ખર્ચ (PFCE) માં 7.0% નો વિકાસ દર નોંધાયો હતો, જે પાછલા નાણાકીય વર્ષના સમાન સમયગાળામાં 8.3% નો વિકાસ દર હતો.નોંધનીય છે કે આ આંકડા એવા સમયે આવ્યા છે જ્યારે યુએસ રાષ્ટ્રપતિ ડોનાલ્ડ ટ્રમ્પે ભારત પર 50 ટકા સુધીનો ટેરિફ લાદ્યો છે. જેના કારણે એવું અનુમાન લગાવવામાં આવી રહ્યું હતું કે ભારતનો GDP વિકાસ ઘટશે.