ભારતીય જનતા પાર્ટી શરૂઆતના વલણોમાં આગળ,ભાજપ દિલ્હી આવી રહ્યું છે. X પર પોસ્ટ મૂકી

દિલ્હી વિધાનસભા ચૂંટણી માટે મતગણતરી ચાલી રહી છે. શરૂઆતના વલણોમાં ભારતીય જનતા પાર્ટી આગળ ચાલી રહી છે. જ્યારે આમ આદમી પાર્ટી હજુ પણ પાછળ છે. લગભગ 27 વર્ષ પછી, કમળ ખીલવાની શક્યતાઓ છે. આ દરમિયાન, ભાજપે X પર એક પોસ્ટ મૂકી છે. પોસ્ટમાં લખ્યું છે કે, "ભાજપ દિલ્હી આવી રહ્યું છે." https://twitter.com/BJP4Delhi/status/1888104164699336893 અણ્ણા હજારેએનું નિવેદન; આ દરમિયાન, અણ્ણા હજારેનું નિવેદન પણ બહાર આવ્યું છે. તેમણે કહ્યું, "લોકોને નવી પાર્ટીમાં વિશ્વાસ હતો. પરંતુ પાછળથી, દારૂની દુકાનોની સંખ્યા વધવાને કારણે તેમની (અરવિંદ કેજરીવાલની) છબી ખરાબ થવા લાગી. તેઓ સમજી શક્યા નહીં કે નિઃસ્વાર્થપણે લોકોની સેવા કરવી એ ભગવાનની પૂજા છે, જેના કારણે તેઓ ખોટા રસ્તે ચાલ્યા ગયા. આમ આદમી પાર્ટીને મોટો ઝટકો લાગ્યો છે. પાર્ટીના બે મોટા નેતાઓ ચૂંટણી હારી ગયા છે, આ પાર્ટી માટે મોટો ફટકો છે. દિલ્હીના પૂર્વ મુખ્યમંત્રી અને આમ આદમી પાર્ટીના રાષ્ટ્રીય સંયોજક અરવિંદ કેજરીવાલ નવી દિલ્હી બેઠક પરથી ચૂંટણી હારી ગયા છે. તેમને ભાજપના ઉમેદવાર પ્રવેશ વર્માએ હરાવ્યા છે. પાર્ટીના વરિષ્ઠ નેતા મનીષ સિસોદિયા જંગપુરા વિધાનસભા બેઠક પરથી ચૂંટણી હારી ગયા છે. તેમને ભાજપના ઉમેદવારે લગભગ 600 મતોથી હરાવ્યા. ભાજપના ઉમેદવાર તરવિંદર સિંહ મારવાહે તેમને હરાવ્યા છે. તે જ સમયે, પોતાની હાર સ્વીકારતા, સિસોદિયાએ ભાજપના ઉમેદવારને તેમની જીત બદલ અભિનંદન પાઠવ્યા છે.