BCCIનો માસ્ટર પ્લાન: 2027 વર્લ્ડ કપ માટે 20 ખેલાડીઓ શોર્ટલિસ્ટ, IPL પર રહેશે પસંદગીકારોની નજર

ભારતીય ક્રિકેટ કંટ્રોલ બોર્ડ (BCCI) એ 2027 માં યોજાનારા ODI વર્લ્ડ કપ માટે અત્યારથી જ રોડમેપ તૈયાર કરી લીધો છે. મળતી માહિતી મુજબ, પસંદગીકારોએ 20 પ્રતિભાશાળી ખેલાડીઓની યાદી શોર્ટલિસ્ટ કરી છે, જેમના પ્રદર્શન અને ફિટનેસ પર સતત નજર રાખવામાં આવશે.BCCI ના સૂત્રોના જણાવ્યા અનુસાર, આગામી IPL (ઈન્ડિયન પ્રીમિયર લીગ) આ ખેલાડીઓ માટે 'સિલેક્શન ટેસ્ટ' સમાન રહેશે. જે ખેલાડીઓ IPL માં સાતત્યપૂર્ણ પ્રદર્શન કરશે અને પોતાની ફિટનેસ સાબિત કરશે, તેમને વર્લ્ડ કપની ટીમમાં પ્રાધાન્ય આપવામાં આવશે. પસંદગીકારો શોર્ટલિસ્ટ થયેલા ખેલાડીઓને વિવિધ સિરીઝમાં રોટેશન પોલિસી હેઠળ તક આપશે જેથી વર્લ્ડ કપ પહેલા શ્રેષ્ઠ 15 ખેલાડીઓનું કોમ્બિનેશન નક્કી કરી શકાય. ખાસ કરીને યુવા ખેલાડીઓ માટે આ એક સુવર્ણ તક છે.