સતત પાંચ દિવસના ઘટાડા બાદ, શેરબજારે રાહતનો શ્વાસ લીધો; સેન્સેક્સ 302 પોઈન્ટ અને નિફ્ટી 107 પોઈન્ટ વધ્યો

શેરબજારમાં સતત 5 દિવસથી ચાલી રહેલો ઘટાડો આખરે આજે બંધ થયો. ઘરેલુ શેરબજાર આજે વધારા સાથે બંધ થયું, જ્યારે સવારે મોટા ઘટાડા સાથે ટ્રેડિંગ શરૂ થયું હતું. સોમવારે, BSE સેન્સેક્સ 301.93 પોઈન્ટ ના વધારા સાથે 83,878.17 પોઈન્ટ પર બંધ થયો. જ્યારે, NSE નિફ્ટી 50 ઈન્ડેક્સ 106.95 પોઈન્ટ ના વધારા સાથે 25,790.25 પોઈન્ટ પર બંધ થયો. તમને જણાવી દઈએ કે ગયા અઠવાડિયે બજાર તમામ 5 સત્રોમાં ઘટાડા સાથે બંધ થયું હતું.