મહારાષ્ટ્રના ગોંદિયામાં અકસ્માત રાજ્ય પરિવહનની બસ પલટી જતાં 9 મુસાફરોના મોત થયા છે જ્યારે 25 લોકો ઘાયલ થયા છે. મળતી માહિતી મુજબ, આ અકસ્માત ગોંદિયા કોહમારા સ્ટેટ હાઈવે પર ખજરી ગામ પાસે થયો હતો. કે બાઇકને બચાવવાના પ્રયાસમાં પેસેન્જર બસનો ભયાનક અકસ્માત થયો હતો. આ અકસ્માતમાં મહારાષ્ટ્ર રોડ ટ્રાન્સપોર્ટ કોર્પોરેશન ની શિવશાહી બસ પલટી જતાં અનેક મુસાફરો કચડાઈ ગયા હતા. ભંડારાથી સાકોલી લાખાણી થઈને ગોંદિયા તરફ જતી શિવશાહી બસ ની સામે અચાનક એક બાઇક દેખાયું. બાઇક સવારને બચાવવાનો પ્રયાસ કરતી વખતે ડ્રાઇવરે પલટી મારતાં બસ પલટી ખાઇ ગઇ હતી.
અકસ્માત સમયે બસમાં 35થી વધુ મુસાફરો સવાર હતા. જેમાં 9 મુસાફરોના મોત થયા હતા. મૃત્યુઆંક પણ વધી શકે છે. બસમાં સવાર અન્ય મુસાફરો ગંભીર રીતે ઘાયલ થયા હતા. પ્રત્યક્ષદર્શીઓના જણાવ્યા અનુસાર બસ ડ્રાઈવર ઘટનાસ્થળેથી ફરાર થઈ ગયો હતો. રાહદારીઓ તરફથી માહિતી મળતાં, એમ્બ્યુલન્સ વિભાગ અને પોલીસ વિભાગ ઘટનાસ્થળે પહોંચી, ઘાયલ મુસાફરોને બહાર કાઢ્યા અને ગોંદિયા જિલ્લા સરકારી હોસ્પિટલમાં સારવાર માટે દાખલ કર્યા હતા.
