19 વર્ષીય મિસ યુનિવર્સ ઈન્ડિયા કાઝિયા લિઝ મેઝો કોણ?

રાજસ્થાનની ઐતિહાસિક અને સુંદર રાજધાની જયપુરમાં આયોજિત ભવ્ય રાષ્ટ્રીય મંચ પર, કેરળની પ્રતિભાશાળી 19 વર્ષીય કાઝિયા લિઝ મેજોએ દેશની સૌથી મોટી સૌંદર્ય સ્પર્ધાનો ખિતાબ જીત્યો છે. દેશભરના 53 થી વધુ આશાસ્પદ સ્પર્ધકોને હરાવીને, કાઝિયાને મિસ યુનિવર્સ ઈન્ડિયા 2026નો તાજ પહેરાવવામાં આવ્યો.
 આ ઐતિહાસિક જીત સાથે, તે આ તાજ જીતનાર કેરળની પ્રથમ મહિલા બની છે. હવે, કાઝિયા આ વર્ષે નવેમ્બરમાં પ્યુઅર્ટો રિકોમાં યોજાનારી 75મી આંતરરાષ્ટ્રીય મિસ યુનિવર્સ સ્પર્ધામાં ભારતનું પ્રતિનિધિત્વ કરશે. જયપુરમાં યોજાયેલી આ સ્પર્ધાના અંતિમ રાઉન્ડમાં, તમિલનાડુની વૈષ્ણવી ગણેશ પ્રથમ રનર-અપ બની. દરમિયાન, ગુજરાતની અનુશ્રી સાતવલેકરે માત્ર બીજા રનર-અપનું સ્થાન જ નહીં પરંતુ 'મિસ ઇન્ટરનેશનલ ઇન્ડિયા 2026'નો ખિતાબ પણ જીત્યો.
આ ભવ્ય સમારોહ માટે જ્યુરી પેનલનું નેતૃત્વ દેશની પ્રથમ મિસ યુનિવર્સ સુષ્મિતા સેને કર્યું હતું. તેમની સાથે ભૂતપૂર્વ મિસ યુનિવર્સ ઈન્ડિયા વિજેતા ઉર્વશી રૌતેલા અને સેલિના જેટલી, ભારતીય સિનેમા અને ફેશન ક્ષેત્રની અગ્રણી હસ્તીઓ પણ જોડાઈ હતી. ગયા વર્ષની વિજેતા મનિકા વિશ્વકર્માએ પરંપરા ચાલુ રાખી અને નવી વિજેતા કાજિયાને સત્તાવાર રીતે મિસ યુનિવર્સ ઈન્ડિયાનો તાજ પહેરાવ્યો.