કેન્દ્રીય મંત્રી નીતિન ગડકરીના ઘરને બોમ્બથી ઉડાવી દેવાની ધમકી

નાગપુરમાં કેન્દ્રીય મંત્રી નીતિન ગડકરીના ઘરને બોમ્બથી ઉડાવી દેવાની ધમકી મળી છે. પોલીસ કંટ્રોલ રૂમમાં આ ધમકીભર્યો ફોન આવ્યો હતો. આ ફોન આવ્યા બાદ પોલીસ વિભાગમાં ખળભળાટ મચી ગયો હતો. થોડા જ સમયમાં આરોપીની ધરપકડ કરવામાં આવી હતી. પ્રાપ્ત માહિતી અનુસાર, રવિવારે સવારે 8:46 વાગ્યે પોલીસ કંટ્રોલ નંબર 112 પર ગડકરીના ઘરને બોમ્બથી ઉડાવી દેવાની ધમકી મળી હતી. ધમકીભર્યો ફોન આવ્યા બાદ પોલીસે સ્થાનિક પોલીસ સ્ટેશનને આ બાબતની જાણ કરી હતી. કંટ્રોલ રૂમમાં કોલ મળ્યા બાદ, પ્રતાપ નગર પોલીસે અજાણ્યા વ્યક્તિઓ સામે ગુનો નોંધીને તપાસ શરૂ કરી હતી. પોલીસ અને ડોગ સ્ક્વોડની ટીમે ગડકરીના ઘરમાં પણ સર્ચ ઓપરેશન હાથ ધર્યું હતું. થોડા કલાકો પછી, પોલીસે ગડકરીના ઘરને બોમ્બથી ઉડાવી દેવાની ધમકી આપનાર આરોપીની ધરપકડ કરી. ધરપકડ કરાયેલા આરોપીનું નામ ઉમેશ વિષ્ણુ રાઉત છે. ઉમેશ વિષ્ણુ રાઉત મેડિકલ ચોક ખાતે આવેલી દેશી દારૂની દુકાનમાં કામ કરે છે. પોલીસે તેને નાગપુરના બીમા દાવખાના નજીકથી ધરપકડ કરી.