ડોનાલ્ડ ટ્રમ્પ સાથે અસીમ મુનીરના લંચની શશિ થરૂરે ઉડાવી મજાક, કહી આ મોટી વાત

કોંગ્રેસના સાંસદ શશી થરૂરે ગુરુવારે પાકિસ્તાનના આર્મી ચીફ અસીમ મુનીરના અમેરિકાના રાષ્ટ્રપતિ ડોનાલ્ડ ટ્રમ્પ સાથેના લંચ પર કટાક્ષ કર્યો. થરૂરે આશા વ્યક્ત કરી હતી કે ટ્રમ્પ સાથે જમતી વખતે મુનીરને વિચારવાનો ખોરાક મળશે. શશી થરૂરે કહ્યું કે વ્હાઇટ હાઉસના મતે, અસીમ મુનીરે એક વખત કહ્યું હતું કે ટ્રમ્પને નોબેલ શાંતિ પુરસ્કાર આપવો જોઈએ. થરૂરે કટાક્ષ કર્યો કે તે પછી તરત જ તેમને વ્હાઇટ હાઉસમાં લંચ આપવામાં આવ્યું હતું. ટ્રમ્પ-મુનીર મુલાકાત અંગે ટિપ્પણી કરવા માટે પૂછવામાં આવતા, શશિ થરૂરે કહ્યું, "મેં મુલાકાતનું પરિણામ જોયું નથી. વ્હાઇટ હાઉસના જણાવ્યા મુજબ, જનરલે કહ્યું કે રાષ્ટ્રપતિને નોબેલ શાંતિ પુરસ્કાર મળવો જોઈએ, અને પછી તેમને લંચથી પુરસ્કૃત કરવામાં આવ્યા. મને આશા છે કે ભોજન સારું રહ્યું અને આ પ્રક્રિયામાં તેમને વિચારવા માટે કંઈક મળ્યું હતું. થરૂરે એવી પણ આશા વ્યક્ત કરી હતી કે અમેરિકા પાકિસ્તાનને તેની ધરતી પર આતંકવાદને ખીલતો અટકાવવાના મહત્વની યાદ અપાવશે અને અમેરિકાએ ૧૧ સપ્ટેમ્બર, ૨૦૦૧ના વર્લ્ડ ટ્રેડ સેન્ટર હુમલાને ભૂલવો ન જોઈએ. મને આશા છે કે અમેરિકા પાકિસ્તાનને આતંકવાદને ટેકો ન આપવા, આતંકવાદીઓને સક્ષમ ન કરવા, સજ્જ ન કરવા, ભંડોળ ન આપવા અને આપણા દેશમાં મોકલવા નહીં તે ખૂબ જ મહત્વપૂર્ણ બાબતની યાદ અપાવશે, તેવું થરૂરે વધુમાં કહ્યું હતું. તેમણે વધુમાં ઉમેર્યું, અમારી આશા છે કે અમેરિકન સરકારમાં કોઈ પણ ઓસામા બિન લાદેન પ્રકરણ ભૂલી ગયું નથી.