ભારતીય રિઝર્વ બેંકે વર્ષ 2025માં 57.5 ટન સોનું ખરીદ્યું

દેશની મધ્યસ્થ RBIએ આજે, 29 મેના રોજ નાણાકીય વર્ષ 2024-25 માટે વાર્ષિક અહેવાલ બહાર પાડ્યો છે. આ રિપોર્ટમાં ભારતીય રિઝર્વ બેંકની બેલેન્સ શીટ અને દેશની અર્થવ્યવસ્થા સહિત ઘણી મોટી અને મહત્વપૂર્ણ માહિતી આપવામાં આવી છે. તે ભારતીય રિઝર્વ બેંક પાસે રહેલા કુલ સોનાના ભંડાર વિશે પણ માહિતી આપે છે.31 માર્ચ,2025 સુધીમાં RBI પાસે કુલ સોનાનો ભંડાર વધીને 879.58 ટન થયો છે.અગાઉના નાણાકીય વર્ષમાં તે 822.10 મેટ્રિક ટન હતું. આ રીતે RBIના સોનાના ભંડારમાં 7% નો વધારો થયો છે.કુલ સોનામાંથી 311.38 ટન સોનું ઇશ્યૂ ડિપાર્ટમેન્ટની સંપત્તિ તરીકે નોંધાયું હતું, જે ગયા વર્ષના 308.03 ટન કરતા થોડું વધારે હતું. બાકીના 568.20 ટન બેંકિંગ વિભાગની સંપત્તિના રૂપમાં હતા, જે માર્ચ 2024માં 514.07 ટન હતા. સોના અને સોનાના ભંડારનું મૂલ્ય 52.09% વધીને 6.68 લાખ કરોડ રૂપિયા થયું જે અગાઉ 4.39 લાખ કરોડ રૂપિયા હતું. બેંકિંગ વિભાગ પાસે રહેલા સોનાનું મૂલ્ય 57.12% વધીને 2.74 લાખ કરોડ રૂપિયાથી 4.31 લાખ કરોડ રૂપિયા થયું, આ વધારો સોનાના ભાવ અને જથ્થામાં વધારાને કારણે જોવા મળ્યો. નાણાકીય વર્ષ 2025 માં RBI એ લગભગ 57.5 ટન સોનું ખરીદ્યું છે, જેમાં 54.13 ટન વધારાના સોનાનો સમાવેશ થાય છે. સોનાના ભાવમાં વધારો અને રૂપિયાના મૂલ્યમાં ઘટાડો પણ આમાં ફાળો આપે છે.સોનાના ભંડારમાં વધારો અને સ્થાનિક અને વિદેશી રોકાણોને કારણે, RBI ની કુલ બેલેન્સ શીટ 8.2% વધીને રૂપિયા 70.47 લાખ કરોડથી રૂપિયા 76.25 લાખ કરોડ થઈ ગઈ. 31 માર્ચ, 2025 સુધીમાં સ્થાનિક સંપત્તિઓ આરબીઆઈની કુલ સંપત્તિમાં 25.73% હિસ્સો ધરાવતી હતી, જ્યારે વિદેશી ચલણ, સોનું અને અન્ય વિદેશી રોકાણોનો હિસ્સો 74.27% હતો. ગયા વર્ષે આ ગુણોત્તર અનુક્રમે 23.31% અને 76.69% હતા.