પાટણ શહેર આદિવાસી-ભીલ સમાજ દ્વારા ચૈતર વસાવાના સર્મથનમાં રેલી યોજી આવેદનપત્ર આપ્યું

સરકાર દ્વારા ચૈતરભાઈ વસાવાને ફસાવવાના કાવતરા અને ષડ્યંત્રનો વિરોધ પ્રદશિર્ત કરાયો

સમસ્ત પાટણ શહેર આદિવાસી - ભીલ સમાજનાં આગેવાનો અને યુવાનો દ્વારા ગુજરાત આદિવાસી સમાજ સહિત ગુજરાતની પ્રજાના પ્રશ્નો અંગે જાગૃતતા ફેલાવનારા એવા આદિવાસી સમાજના ક્રાંતિકારી નેતા અને ધારાસભ્ય ચૈતરભાઈ વસાવાના સમર્થનમાં રેલી યોજી પાટણ જિલ્લા કલેક્ટરના માધ્યમથી ગુજરાતના મુખ્યમંત્રીને આવેદનપત્ર આપવાનો કાર્યક્રમ આયોજિત કરવામાં આવ્યો હતો.

આ કાર્યક્રમેમાં મોટી સંખ્યામાં આદિવાસી ભીલ સમાજના આગેવાનો, પંચ પટેલો અને સામાજિક કાર્યકર્તાઓ સાથે સમાજના યુવાઓ અને ભાઈઓ અને બહેનો હાજર રહ્યા હતા. અને સરકાર દ્વારા ચૈતરભાઈ વસાવાને ફસાવવાના કાવતરા અને ષડ્યંત્રનો મોટાપાયે વિરોધ નોંધાવી સરકાર વિરુદ્ધ સૂત્રોચાર કરી આવેદનપત્ર આપવામાં આવ્યુ હતું.