LICનો ધમાકેદાર દેખાવ: જૂનમાં વ્યક્તિગત પ્રીમિયમમાં ૧૪.૬% નો ઉછાળો

પોલિસીઓની સંખ્યામાં થોડો ઘટાડો: એપ્રિલ-જૂન ૨૦૨૫ ના મહિનાઓ માટે LICએ કુલ ૩૦.૪૩ લાખ પોલિસીઓ જારી કરી, જ્યારે ગત વર્ષે આ સંખ્યા ૩૫.૭૨ લાખ

દેશની સૌથી મોટી સરકારી વીમા કંપની, લાઈફ ઇન્સ્યોરન્સ કોર્પોરેશન ઓફ ઇન્ડિયા (LIC), વીમા ક્ષેત્રે પોતાનું વર્ચસ્વ ફરી એકવાર સાબિત કરી રહી છે! જૂન ૨૦૨૫ માં, LICના વ્યક્તિગત પ્રીમિયમ સેગમેન્ટમાં વાર્ષિક ધોરણે ૧૪.૬% ની મજબૂત વૃદ્ધિ નોંધાઈ છે. ગુરુવારે લાઇફ ઇન્સ્યોરન્સ કાઉન્સિલ દ્વારા જાહેર કરાયેલા આંકડા આ ખુશખબર લઈને આવ્યા છે. જોકે, પોલિસીઓની સંખ્યામાં થોડો ઘટાડો જોવા મળ્યો છે. એપ્રિલ-જૂન ૨૦૨૫ ના મહિનાઓ માટે LICએ કુલ ૩૦.૪૩ લાખ પોલિસીઓ જારી કરી, જ્યારે ગત વર્ષના સમાન સમયગાળામાં આ સંખ્યા ૩૫.૭૨ લાખ હતી. LIC ભારતની ટોપ-૧૦ સૌથી મૂલ્યવાન બ્રાન્ડ્સમાં: બ્રાન્ડ ફાઇનાન્સ ઇન્ડિયા ૧૦૦ ની રિપોર્ટ અનુસાર, સાર્વજનિક ક્ષેત્રની વીમા કંપની LIC ભારતની ટોપ-૧૦ સૌથી મૂલ્યવાન બ્રાન્ડ્સમાં ચોથા સ્થાને છે! રિપોર્ટમાં જણાવવામાં આવ્યું છે કે LICની ૨૦૨૫ માં બ્રાન્ડ વેલ્યુ $૧૩.૬ બિલિયન રહી, જે ૨૦૨૪ ના $૧૦.૦૭ બિલિયનની બ્રાન્ડ વેલ્યુ કરતાં ૩૫.૧% વધુ છે.આ આંકડા સ્પષ્ટપણે દર્શાવે છે કે LIC ભારતીય વીમા બજારમાં પોતાની મજબૂત પકડ જાળવી રાખી છે અને ગ્રાહકોનો વિશ્વાસ સતત જીતી રહી છે.