કર્ણાટકની રાજધાની બેંગલુરુમાં બંદૂકની અણીએ જ્વેલરની દુકાનમાંથી ૧૮ લાખના દાગીના લૂંટાયા

કર્ણાટકની રાજધાની બેંગલુરુની બહાર એક ઝવેરાતની દુકાનમાં લૂંટની ઘટના સામે આવી છે. બેંગલુરુથી લગભગ 40 કિમી દૂર મદનાયકનહલ્લી વિસ્તારમાં રામ જ્વેલરની દુકાનમાં થયેલી લૂંટ ત્યાં લગાવેલા સીસીટીવી કેમેરામાં કેદ થઈ ગઈ છે. પોલીસમાં નોંધાવેલી એફઆઈઆરમાં દુકાનના માલિક કન્હૈયા લાલે જણાવ્યું હતું કે ત્રણ લૂંટારુઓએ બંદૂકની અણીએ લગભગ 18 લાખ રૂપિયાના દાગીના લૂંટી લીધા હતા. આ ઘટના ત્યારે બની જ્યારે દુકાન બંધ થવાની તૈયારીમાં હતી. અત્યાર સુધીની તપાસમાં જાણવા મળ્યું છે કે ચાર લોકો એક કારમાં આવ્યા હતા. તેમાંથી ત્રણ લોકો માસ્ક પહેરીને દુકાનમાં ઘૂસ્યા હતા. તેમણે બંદૂકની અણીએ માલિક અને દુકાનમાં હાજર એક સાથીદારને ધમકાવ્યો હતો અને થોડીવારમાં જ તેઓ જે પણ ઘરેણાં હાથમાં લઈ શકે તે બેગમાં ભરીને લઈ ગયા હતા.