ભારતીય બોર્ડર સિક્યુરિટી ફોર્સ જવાન સાહુને પાકિસ્તાને મુક્ત કર્યો

સૈનિક અમૃતસરની અટારી બોર્ડરથી પરત ફર્યો; પાકિસ્તાન સાથે ચાલી રહેલા તણાવ વચ્ચે, ભારતને વધુ એક સફળતા મળી છે. ભારતના દબાણ હેઠળ, પાકિસ્તાને બોર્ડર સિક્યુરિટી ફોર્સના જવાન પૂર્ણમ કુમાર સાહુને કસ્ટડીમાંથી મુક્ત કર્યા છે. જ્યારે પહેલગામ આતંકવાદી હુમલાને લઈને ભારત અને પાકિસ્તાન વચ્ચે તણાવ ચરમસીમાએ હતો, ત્યારે 23 એપ્રિલે પૂર્ણમ કુમાર સાહુને પાકિસ્તાની રેન્જર્સે આંતરરાષ્ટ્રીય સરહદ પરથી કસ્ટડીમાં લીધો હતો. ત્યારથી, તેને પાછા લાવવાની માંગ થઈ રહી હતી. આજે, ૧૪ મેના રોજ, તે લગભગ ૨૦ દિવસ પછી પાછો ફર્યો છે. સમગ્ર મામલો; બીએસએફ કોન્સ્ટેબલ પૂર્ણમ કુમાર સાહુ પંજાબના ફિરોઝપુર સેક્ટરમાં પોસ્ટેડ હતા. ૨૩ એપ્રિલના રોજ, ભારત અને પાકિસ્તાન વચ્ચે વધતા લશ્કરી તણાવના શરૂઆતના દિવસોમાં, પૂર્ણમે ભૂલથી આંતરરાષ્ટ્રીય સરહદ પાર કરી દીધી. આ પછી, તેને પાકિસ્તાની રેન્જર્સે કસ્ટડીમાં લઈ લીધો હતો.