ભારતીય બેટ્સમેને સતત 8 બોલમાં 8 છગ્ગા ફટકારીને નવો વર્લ્ડ રેકોર્ડ બનાવ્યો

ક્રિકેટ ધીમે ધીમે દુનિયાભરમાં પોતાની પાંખો ફેલાવી રહ્યું છે. દરરોજ કોઈને કોઈ ક્રિકેટ મેચ રમાઈ રહી છે, અને રેકોર્ડ તૂટી રહ્યા છે. ભારતની સ્થાનિક રણજી ટ્રોફી ટુર્નામેન્ટમાં મેઘાલય અને અરુણાચલ પ્રદેશ વચ્ચે મેચ રમાઈ રહી છે. મેઘાલય તરફથી રમતા આકાશ કુમાર ચૌધરીએ અસાધારણ બેટિંગનું પ્રદર્શન કર્યું છે અને બોલરોને ધક્કો મારી દીધો છે. આકાશ કુમાર ચૌધરીએ અરુણાચલ પ્રદેશના ઓફ સ્પિનર લિમાર ડાબી સામે ૧૨૬મી ઓવરમાં છ છગ્ગા ફટકાર્યા હતા. તેમણે બોલર ટીએનઆરના બોલ પર બે છગ્ગા પણ ફટકાર્યા હતા. આ સાથે, તેમણે સતત આઠ બોલમાં આઠ છગ્ગા ફટકાર્યા હતા. તેઓ ફર્સ્ટ-ક્લાસ ક્રિકેટમાં સતત આઠ બોલમાં આઠ છગ્ગા ફટકારનાર પ્રથમ બેટ્સમેન બન્યા હતા, અને પોતાની વિસ્ફોટક બેટિંગથી ઐતિહાસિક વિશ્વ રેકોર્ડ બનાવ્યો હતો. આકાશ ફર્સ્ટ ક્લાસ ક્રિકેટમાં એક ઓવરમાં 6 છગ્ગા ફટકારનાર ફક્ત ત્રીજો બેટ્સમેન બન્યો છે. તેની પહેલા રવિ શાસ્ત્રી અને ગેરી સોબર્સ પણ ફર્સ્ટ ક્લાસ ક્રિકેટમાં આ સિદ્ધિ મેળવી ચૂક્યા છે. તેણે 11 બોલમાં ફિફ્ટી પણ ફટકારી હતી અને ફર્સ્ટ ક્લાસ ક્રિકેટમાં સૌથી ઝડપી અડધી સદી ફટકારનાર ખેલાડી બન્યો હતો. આકાશ પહેલા ફર્સ્ટ ક્લાસ ક્રિકેટમાં સૌથી ઝડપી ફિફ્ટીનો રેકોર્ડ લેસ્ટરશાયરના વેઇન નાઈટના નામે હતો. તેણે 2012માં 12 બોલમાં 50 રન બનાવ્યા હતા, જ્યારે ક્લાઇવ ઇનમેને 1965માં માત્ર 13 બોલમાં પોતાની અડધી સદી ફટકારી હતી. હવે આકાશ તે બંનેથી આગળ નીકળી ગયો છે. અરુણાચલ પ્રદેશ સામેની મેચમાં, આકાશ કુમાર ચૌધરી 8 નંબર પર બેટિંગ કરવા આવ્યા અને પોતાની વિસ્ફોટક બેટિંગથી બધાને પ્રભાવિત કર્યા. તેમણે માત્ર 14 બોલમાં 50 રન બનાવ્યા, જેમાં 8 છગ્ગાનો સમાવેશ થાય છે. અર્પિત ભટેવારાએ પણ બેવડી સદી ફટકારી, 207 રન બનાવ્યા. રાહુલ દલાલ અને કિશન લિંગદોહે પણ સદી ફટકારી. આ ખેલાડીઓના કારણે, મેઘાલયે 628 રન પર પોતાનો દાવ ડિકલેર કર્યો. ત્યારબાદ અરુણાચલ પ્રદેશના બેટ્સમેન ખરાબ રીતે નિષ્ફળ ગયા અને માત્ર 73 રનમાં ઓલઆઉટ થઈ ગયા. આનાથી મેઘાલયને પ્રથમ ઇનિંગમાં 555 રનની લીડ મળી.