ભારત 97 LCA તેજસ ફાઇટર જેટ ખરીદશે : ૬૨ હજાર કરોડની ડીલને મંજૂરી

‘મેક ઇન ઇન્‍ડિયા' હેઠળ થશે ડિલ : વાયુસેનાની તાકાતમાં થશે વધારો ફાઇટર જેટનું નિર્માણ હિન્‍દુસ્‍તાન એરોનોટિકસ લિમિટેડ દ્વારા થશે ભારત સરકારે ભારતીય વાયુસેનામાં નવા ફાઇટર વિમાનોની સંખ્‍યા વધારવા માટે એક મોટું પગલું ભર્યું. સરકારે 97 LCA માર્ક ૧A ફાઇટર જેટ ખરીદવા માટે ૬૨,૦૦૦ કરોડ રૂપિયાના સોદાને મંજૂરી આપી. આ બધા ફાઇટર જેટ ‘મેક ઇન ઇન્‍ડિયા‘હેઠળ ખરીદવામાં આવશે.ઉચ્‍ચ સ્‍તરીય બેઠકમાં આ ફાઇટર જેટ ખરીદવા માટે અંતિમ મંજૂરી આપવામાં આવી હતી. સંરક્ષણ સૂત્રોએ જણાવ્‍યું હતું કે આ ફાઇટર જેટ હિન્‍દુસ્‍તાન એરોનોટિક્‍સ લિમિટેડ દ્વારા બનાવવામાં આવશે. LCA માર્ક ૧A માટે સરકારનો આ બીજો ઓર્ડર છે કારણ કે થોડા વર્ષો પહેલા ૪૮,૦૦૦ કરોડ રૂપિયાના ખર્ચે ૮૩ ફાઇટર વિમાનો ખરીદવાનો ઓર્ડર આપવામાં આવ્‍યો હતો. સંરક્ષણ સૂત્રો કહે છે કે આ નવા વિમાન MiG-21 નું સ્‍થાન લેશે. MiG-21 જૂનું થઈ ગયું છે અને વાયુસેના તેમને તબક્કાવાર રીતે સેવામાંથી બહાર કરી રહી છે. સરકાર સંરક્ષણ ખરીદી અને ઉત્‍પાદનમાં ‘મેક ઇન ઇન્‍ડિયા' અને સ્‍વદેશી શષાો પર ભાર મૂકી રહી છે. આ આદેશ પછી, સ્‍વદેશી શષાોને સંરક્ષણ ઉત્‍પાદન ક્ષેત્રમાં પ્રોત્‍સાહન મળશે. ઉપરાંત, દેશના નાના અને મધ્‍યમ ઉદ્યોગોને સંરક્ષણ ઉત્‍પાદન સંબંધિત મજબૂત બનાવવામાં આવશે. વડા પ્રધાન નરેન્‍દ્ર મોદી ઇચ્‍છે છે કે HAL ફાઇટર પ્‍લેન, હેલિકોપ્‍ટર અને ફાઇટર જેટ માટે એન્‍જિનનું ઉત્‍પાદન ઝડપી બનાવે. વડા પ્રધાન મોદીએ પોતે LCA ના ટ્રેનર વર્ઝનમાં ઉડાન ભરી છે, જે ભારતીય વડા પ્રધાન દ્વારા લડાયક વિમાનમાં પ્રથમ ઉડાન હતી.અમેરિકન કંપની જનરલ ઇલેક્‍ટ્રિક (GE) એ તેજસ માર્ક-૧A માટે જ્‍૪૦૪-IN20 એન્‍જિનની ડિલિવરી શરૂ કરી દીધી છે. બાકીના ૧૦ એન્‍જિન પણ ૩૧ માર્ચ, ૨૦૨૬ સુધીમાં સોંપવામાં આવશે. વાયુસેનાને આવતા વર્ષે માર્ચ સુધીમાં ૧૨ તેજસ માર્ક-૧A ફાઇટર એરક્રાફ્‌ટ મળવાની શકયતા છે.