ગુજરાત સહીત દેશના 20 રાજ્યોમાં ભારે વરસાદનું એલર્ટ

દેશમાં ચોમાસુ હવે સંપૂર્ણપણે સક્રિય થઈ ગયું છે અને ઝડપથી ઉત્તર ભારત તરફ આગળ વધી રહ્યું છે. ભારે વરસાદને કારણે મહારાષ્ટ્ર અને કેટલાક પૂર્વોત્તર રાજ્યોમાં પૂર જેવી સ્થિતિ સર્જાઈ છે, ત્યારે હવામાન વિભાગે દેશભરના 20 રાજ્યોમાં વાવાઝોડા, તોફાન અને ભારે વરસાદની ચેતવણી જારી કરી છે.


જે 20 રાજ્યોમાં એલર્ટ જારી કરવામાં આવ્યું છે તેમાં દિલ્હી-એનસીઆર, ઉત્તર પ્રદેશ, બિહાર, મધ્ય પ્રદેશ, મહારાષ્ટ્ર, રાજસ્થાન, હરિયાણા, પંજાબ, જમ્મુ અને કાશ્મીર, ગુજરાત, તમિલનાડુ, ઝારખંડ, કર્ણાટક, તેલંગાણા, પશ્ચિમ બંગાળ, સિક્કિમ, આંધ્રપ્રદેશ, કેરળ, મિઝોરમ અને ત્રિપુરાનો સમાવેશ થાય છે.

દિલ્હી અને તેની આસપાસના વિસ્તારોમાં ગરમી અને તડકાથી રાહત મળી છે, પરંતુ ઘણા વિસ્તારો હજુ પણ સારા વરસાદની રાહ જોઈ રહ્યા છે. હવામાન વિભાગના જણાવ્યા અનુસાર, દિલ્હી-એનસીઆરમાં 5 અને 6 જુલાઈએ વાદળછાયું વાતાવરણ રહેશે અને મધ્યમ વરસાદ પડશે.

ઉત્તર પ્રદેશમાં ચોમાસાની મજબૂત અસર થવાની ધારણા છે. પ્રયાગરાજ, કૌશામ્બી, ફતેહપુર, ચિત્રકૂટ, આગ્રા, વારાણસી, દેવરિયા, બલિયા, સોનભદ્ર અને મિર્ઝાપુર સહિતના કેટલાક જિલ્લાઓમાં 9મી જુલાઈ સુધી ભારે વરસાદ અને વાવાઝોડા માટે જારી કરવામાં આવી છે.