પશ્ચિમ બંગાળ વિધાનસભા ચૂંટણીના બીજા તબક્કામાં, 7 જિલ્લાઓની 142 વિધાનસભા બેઠકો પર 1448 ઉમેદવારો પોતાનું નસીબ અજમાવી રહ્યા છે જેમનું ભાવિ 3 કરોડ 22 લાખથી વધુ મતદારો નક્કી કરશે. બીજા તબક્કામાં આજે બંગાળની 142 વિધાનસભા બેઠકો પર મતદાન થઈ રહ્યું છે જેમાં કોલકાતા, ઔદ્યોગિક પટ્ટો અને દક્ષિણ બંગાળના ગીચ વસ્તીવાળા વિસ્તારોનો સમાવેશ થાય છે. આ માટે કડક સુરક્ષા વ્યવસ્થા કરવામાં આવી છે. અર્ધલશ્કરી દળોની 2,343 કંપનીઓ તૈનાત કરવામાં આવી છે. આ સાથે, 300 થી વધુ નિરીક્ષકો તૈનાત કરવામાં આવ્યા છે.
બંગાળની ચૂંટણીના બીજા તબક્કામાં મતદાન થઈ રહેલી ૧૪૨ બેઠકોમાંથી, ૨૦૨૧ની ચૂંટણીમાં ભાજપે માત્ર ૧૮ બેઠકો જીતી હતી, જ્યારે ટીએમસીએ ૧૨૩ બેઠકો જીતીને સત્તાની હેટ્રિક મેળવી હતી.
બીજા તબક્કામાં, મુખ્યમંત્રી મમતા બેનર્જી પોતે ભવાનીપુરથી ચૂંટણી લડી રહ્યા છે. આજે ૧૪૨ મતવિસ્તારોમાં મતદાન થઈ રહ્યું છે. આ વિસ્તાર મમતા બેનર્જીનો ગઢ છે અને ભાજપ માટે પાંચ વર્ષનો રાજકીય પ્રયોગશાળા પણ છે. પરિણામે, બીજો તબક્કો ભાજપ અને ટીએમસી વચ્ચે કરો યા મરોનો જંગ છે. જે આ વિસ્તારમાં જીતશે તે બંગાળ પર રાજ કરશે.
