અમદાવાદ ખાતે આવેલી ગુજરાત ઔદ્યોગિક સુરક્ષા દળ સોસાયટી (GISFS) ની વડી કચેરી, બહુમાળી ભવન, ગીરધરનગર ખાતે આજે GISFS ના કર્મચારીઓ દ્વારા પોતાની વિવિધ માંગણીઓ અંગે મુખ્ય કાર્યકારી અધિકારી પી. જી. ધારૈયાને સંવેદના પત્ર પાઠવી રજૂઆત કરવામાં આવી હતી.
રજૂઆતમાં કર્મચારીઓએ માંગ કરી હતી કે ગુજરાત ઔદ્યોગિક સુરક્ષા દળ સોસાયટીને મહારાષ્ટ્ર ઔદ્યોગિક સુરક્ષા દળ (MISF) ની પદ્ધતિ મુજબ કાયમી અધિકાર આપવામાં આવે તેમજ કર્મચારીઓને રાજ્ય સેવકનો દરજ્જો આપવામાં આવે.
કર્મચારીઓએ જણાવ્યું હતું કે લાંબા સમયથી આ મુદ્દાઓ અંગે રજૂઆતો કરવામાં આવી રહી છે અને યોગ્ય નિર્ણય લેવાય તો કર્મચારીઓને વધુ સુરક્ષા તથા સ્થિરતા મળી શકશે.મુખ્ય કાર્યકારી અધિકારી પી. જી. ધારૈયાએ કર્મચારીઓની રજૂઆત સાંભળી તેમની માંગણીઓને સરકાર સુધી પહોંચાડવાની બાંહેધરી આપી હતી.આ પ્રસંગે માવજીભાઈ સરવૈયા, નરેશભાઈ છત્રાલીયા, બી. બી. જોષી, રામદેવસિંહ જાડેજા, દીપકસિંહ ચાવડા, દેવેન્દ્રભાઈ, લક્ષ્મણભાઈ પ્રજાપતિ સહિત GISFS ના જવાનો ઉપસ્થિત રહ્યા હતા.
