ફ્રાન્સમાં જાહેર સ્થળોએ ધૂમ્રપાન પર પ્રતિબંધ નિયમનું ઉલ્લંઘન કરનારાઓ સામે થસે દંડ

ફ્રાન્સે એક મોટું પગલું ભર્યું છે અને ઉદ્યાનો, શાળાઓ, દરિયાકિનારા અને અન્ય જાહેર સ્થળોએ ધૂમ્રપાન વિરુદ્ધ ઝુંબેશ શરૂ કરી છે. ફ્રાન્સમાં જાહેર સ્થળોએ ધૂમ્રપાન કરવું હવે જોખમથી મુક્ત રહેશે નહીં અને જો તેમ કરતા પકડાશે તો તમને સજા પણ થશે. ધૂમ્રપાન પ્રતિબંધ વિશે માહિતી આપતાં, ફ્રાન્સના આરોગ્ય અને પરિવાર મંત્રી કેથરિન વોટ્રિને જણાવ્યું હતું કે ફ્રાન્સમાં જાહેર સ્થળોએ ધૂમ્રપાન પર પ્રતિબંધ મૂકવામાં આવી રહ્યો છે જ્યાં બાળકો આવતા-જતા રહે છે. ફ્રાન્સના એક સ્થાનિક અખબાર સાથે વાત કરતા, ફ્રેન્ચ મંત્રીએ કહ્યું, 'બાળકો હોય તેવી જગ્યાઓ પરથી તમાકુને સંપૂર્ણપણે નાબૂદ કરવો જોઈએ. જ્યારે બાળકો સ્વચ્છ હવામાં શ્વાસ લેવાની વાત આવે છે, ત્યારે ધૂમ્રપાનની સ્વતંત્રતાનો અંત આવવો જોઈએ. પ્રતિબંધ વિશે વાત કરતા, ફ્રેન્ચ મંત્રીએ કહ્યું કે જો કોઈ ધૂમ્રપાન પ્રતિબંધના નિયમનું ઉલ્લંઘન કરશે, તો તેને $153 (રૂ.13,000) નો દંડ ફટકારવામાં આવશે.