મે 2026 માં 12 દિવસ બેંકો બંધ જુઓ રજાઓનું લિસ્ટ

મે મહિનો શરૂ થવાની તૈયારીમાં છે, પરંતુ જો તમારે બેંકને લગતું કોઈ પણ મોટું કામ હોય, તો આ કેલેન્ડર ખાસ નોંધી લેજો. RBI દ્વારા જાહેર કરાયેલા રજાઓના લિસ્ટ મુજબ, મે 2026 માં રવિવાર, બીજા-ચોથા શનિવાર અને વિવિધ તહેવારો મળીને કુલ 12 દિવસ બેંકોમાં કામકાજ થશે નહીં. મહિનાની શરૂઆત જ 1 મે એટલે કે મહારાષ્ટ્ર દિવસ, બુદ્ધ પૂર્ણિમા અને મજૂર દિવસની રજાથી થઈ રહી છે. માત્ર બેંકો જ નહીં, પરંતુ શેરબજારમાં પણ મે મહિના દરમિયાન 12 દિવસ કારોબાર બંધ રહેશે. જેમાં 10 દિવસ સાપ્તાહિક રજાઓ ઉપરાંત 1 મે અને 28 મેના રોજ બકરી ઈદ નિમિત્તે બજારમાં રજા રહેશે. જોકે, રાહતની વાત એ છે કે બેંકો બંધ હોવા છતાં ઓનલાઈન બેન્કિંગ, નેટ બેન્કિંગ અને ATM સેવાઓ રાબેતા મુજબ કાર્યરત રહેશે, જેથી ડિજિટલ ટ્રાન્ઝેક્શનમાં કોઈ અવરોધ આવશે નહીં.