અમેરિકાઃ લેન્ડિંગ દરમિયાન હવામાં હેલિકોપ્ટર સાથે પેસેન્જર પ્લેન અથડાયું, વ્હાઇટ હાઉસથી થોડે દૂર સર્જાઈ આ ઘટના

અમેરિકાથી એક ભયાનક વિમાન દુર્ઘટનાના સમાચાર સામે આવી રહ્યા છે. માહિતી અનુસાર, બુધવારે (યુએસ સમય) વોશિંગ્ટનના રીગન નેશનલ એરપોર્ટ પર ઉતરતી વખતે એક પેસેન્જર પ્લેન આર્મીના બ્લેક હોક હેલિકોપ્ટર સાથે અથડાયું હતું. આ પછી, એરપોર્ટ પરથી વિમાનોના ટેક ઓફ અને લેન્ડિંગની સેવાઓ બંધ કરી દેવામાં આવી છે. આ દુર્ઘટના બાદ ફાયર બ્રિગેડ અને ઈમરજન્સી કર્મચારીઓ ઘટનાસ્થળે પહોંચી ગયા છે અને રાહત અને બચાવ કાર્ય કરી રહ્યા છે. આ અકસ્માત અંગે વિગતવાર માહિતીની હજુ રાહ જોવાઈ રહી છે. દુર્ઘટના બાદ કાયદા અમલીકરણ એજન્સીઓ બચી ગયેલા લોકોની શોધમાં સ્થળ પર પહોંચી ગઈ હતી. કેવી રીતે થયો અકસ્માત? અમેરિકાના ફેડરલ એવિએશન એડમિનિસ્ટ્રેશન (FAA) અનુસાર, રેગન વોશિંગ્ટન નેશનલ એરપોર્ટ પર લેન્ડિંગ વખતે પેસેન્જર પ્લેન હેલિકોપ્ટર સાથે અથડાતા આ અકસ્માત થયો હતો. ફેડરલ એવિએશન એડમિનિસ્ટ્રેશન (FAA) અનુસાર, અકસ્માતની તપાસ કરવામાં આવી રહી છે. આ અકસ્માતમાં જાનહાનિ અંગે હજુ સુધી કોઈ માહિતી બહાર આવી નથી. જોકે, વોશિંગ્ટન નજીકના એરપોર્ટ પરથી વિમાનોનું ટેકઓફ અને લેન્ડિંગ બંધ કરી દેવામાં આવ્યું છે.