ઓપરેશન સિંદૂર પછી; પીએમ મોદીનો વડોદરામાં રોડ શો લોકોની ભારે ભીડ

ઓપરેશન સિંદૂરની સફળતા પછી પહેલી વાર, પ્રધાનમંત્રી નરેન્દ્ર મોદી આજે તેમના ગૃહ રાજ્ય ગુજરાતની બે દિવસની મુલાકાતે છે. પીએમ મોદી વડોદરામાં રોડ શો સ્વાગત માટે લોકોની ભારે ભીડ એકઠી થઈ છે. લોકો હાથમાં ત્રિરંગા ધ્વજ લઈને પીએમનું સ્વાગત કરી રહ્યા છે. તે જ સમયે, પીએમ મોદી પણ હાથ હલાવીને લોકોના અભિવાદન સ્વીકારી રહ્યા છે. તેમની મુલાકાત દરમિયાન, અનેક વિકાસ પ્રોજેક્ટ્સનું ઉદ્ઘાટન કરશે. અધિકારીઓએ જણાવ્યું હતું કે સોમવારે તેમની ગુજરાત મુલાકાત દરમિયાન, વડા પ્રધાન મોદી દાહોદથી વીડિયો કોન્ફરન્સિંગ દ્વારા વંદે ભારત એક્સપ્રેસ સહિત બે નવી ટ્રેનોને લીલી ઝંડી આપશે. નવી સેવાઓમાં સાબરમતી-વેરાવળ વંદે ભારત એક્સપ્રેસ અને વલસાડ-દાહોદ એક્સપ્રેસનો સમાવેશ થાય છે. પ્રધાનમંત્રી સૌપ્રથમ દાહોદ જશે, જ્યાં તેઓ લોકો મેન્યુફેક્ચરિંગ શોપ-રોલિંગ સ્ટોક વર્કશોપનું ઉદ્ઘાટન કરશે. ઉદ્ઘાટન પછી, તેઓ દાહોદના ખારોદમાં લોકોને સંબોધિત કરશે અને 24,000 કરોડ રૂપિયાના રેલ્વે અને અન્ય સરકારી પ્રોજેક્ટ્સનો શિલાન્યાસ પણ કરશે.