લોકસભા સ્પીકર પર કાગળ ફેંકનારા 8 સાંસદો સામે કાર્યવાહી, સમગ્ર સત્ર માટે સસ્પેન્ડ

લોકસભામાં સ્પીકર પર કાગળો ફેંકનારા આઠ વિપક્ષી સાંસદો સામે કડક કાર્યવાહી કરવામાં આવી છે. હોબાળા વચ્ચે, સ્પીકર ઓમ બિરલાએ આઠ સાંસદોને સમગ્ર સત્ર માટે સસ્પેન્ડ કરી દીધા. આ સાંસદો સ્પીકરની ખુરશી પાસે ગયા હતા અને કાગળો ફેંક્યા હતા. ભારે હોબાળાને કારણે આજે ગૃહની કાર્યવાહી ખોરવાઈ ગઈ હતી. સંસદ આવતીકાલે સવારે 11 વાગ્યા સુધી સ્થગિત કરવામાં આવી છે. હકીકતમાં, આજે લોકસભામાં વિપક્ષના નેતા રાહુલ ગાંધીના ભાષણ પર ભારે હોબાળો થયો. રાહુલ ગાંધીએ ચીનનો મુદ્દો ફરીથી ઉઠાવવાનું શરૂ કરતાં જ ગૃહમાં હોબાળો મચી ગયો. રાહુલ ગાંધીએ બોલવાનો આગ્રહ રાખ્યો, પરંતુ તેમનું ભાષણ પૂર્ણ થયું નહીં. હોબાળાને કારણે અનેક વખત વિક્ષેપો સર્જાયા. આ દરમિયાન, લોકસભામાં સાંસદોએ સ્પીકરના પોડિયમ તરફ કાગળના ટુકડા ફેંક્યા હતા. જ્યારે લોકસભા બપોરે 3 વાગ્યે ચોથી વખત મળી, ત્યારે સંસદીય બાબતોના પ્રધાન કિરેન રિજિજુએ કાગળ ફેંકનારા સાંસદોને બાકીના સત્ર માટે સસ્પેન્ડ કરવાનો પ્રસ્તાવ રજૂ કર્યો, જેને ધ્વનિ મતથી પસાર કરવામાં આવ્યો હતો. સસ્પેન્ડ કરાયેલા સાંસદોના નામ-