દિલ્હીના ન્યૂ ફ્રેન્ડ્સ કોલોનીમાં એક ઘરમાં આગ લાગી હતી. આજે (રવિવારે) બપોરે 3:40 વાગ્યે ફાયર બ્રિગેડને આગ લાગવાની જાણ કરવામાં આવી હતી. પાંચ ફાયર એન્જિન ઘટનાસ્થળે મોકલવામાં આવ્યા હતા. ત્યારબાદ ફાયર ફાઇટરોએ અંદર રહેતા પરિવારને બચાવવાનો પ્રયાસ શરૂ કર્યો હતો.
દિલ્હી પોલીસે જણાવ્યું હતું કે ન્યૂ ફ્રેન્ડ્સ કોલોનીમાં એક ઘરમાં લાગેલી આગમાંથી સાત લોકોને બચાવી લેવામાં આવ્યા હતા. તેમને સારવાર માટે નજીકની હોસ્પિટલમાં દાખલ કરવામાં આવ્યા હતા. ફાયર વિભાગ તેનું બચાવ કાર્ય ચાલુ રાખી રહ્યું છે.
પ્રાથમિક અહેવાલો અનુસાર, આગમાં એક કૂતરો ઘાયલ થયો હતો અને તેને પશુચિકિત્સા હોસ્પિટલમાં લઈ જવામાં આવ્યો હતો. અત્યાર સુધી કોઈ ઈજાના અહેવાલ નથી. ઘરમાં રહેતા પરિવારના બાકીના સભ્યો સુરક્ષિત છે.
ન્યૂ ફ્રેન્ડ્સ કોલોનીમાં આગ લાગવાથી વ્યાપક ભયનો માહોલ છે. ત્રણ માળની ઇમારતમાં આગ લાગી હતી. આગને કાબુમાં લેવા માટે પાંચ ફાયર બ્રિગેડ વાહનો ઘટનાસ્થળે હાજર છે. અત્યાર સુધીમાં પાંચ બાળકો અને બે મહિલાઓને બચાવી લેવામાં આવી છે.
