આશા ભોંસલેનું નિધન, 92 વર્ષની વયે લીધા અંતિમ શ્વાસ

ભારતની સૌથી પ્રખ્યાત ગાયિકાઓમાંની એક આશા ભોંસલેનું 92 વર્ષની વયે અવસાન થયું છે. મુંબઈની બ્રીચ કેન્ડી હોસ્પિટલમાં સારવાર હેઠળ હતા, જ્યાં આજે સવારે તેમનું અવસાન થયું. આ દુઃખદ સમાચાર તેમના પુત્ર આનંદ ભોંસલેએ શેર કર્યા. પદ્મ વિભૂષણ અને દાદાસાહેબ ફાળકે પુરસ્કાર વિજેતા આશા ભોંસલેને કાર્ડિયાક એરેસ્ટ અને ફેફસાંની સમસ્યા હતી, જેના કારણે તેમનું અવસાન થયું. હોસ્પિટલના જણાવ્યા અનુસાર, આશા ભોંસલેને ગઈકાલે કાર્ડિયાક એરેસ્ટ અને છાતીમાં ચેપ લાગવાથી હોસ્પિટલમાં દાખલ કરવામાં આવ્યા હતા. પરિવારના જણાવ્યા અનુસાર, તેમના પાર્થિવ શરીરને કાલે સવારે 11 વાગ્યે લોઅર પરેલ સ્થિત તેમના નિવાસસ્થાન, કાસા ગ્રાન્ડે ખાતે અંતિમ દર્શન માટે રાખવામાં આવશે, જ્યાં લોકો શ્રદ્ધાંજલિ આપી શકે છે. ત્યારબાદ, તેમના અંતિમ સંસ્કાર સાંજે 4 વાગ્યે મુંબઈના શિવાજી પાર્ક ખાતે પૂર્ણ રાજ્ય સન્માન સાથે કરવામાં આવશે.